Garrett: Marrëveshja i hapë rrugën Maqedonisë drejt NATO-s dhe BE-së

Ambasadori i Britanisë së madhe në Maqedoni, Charles Garrett sot përgëzoi marrëveshjen e arritur mes Zoran Zaevn dhe Alexis Tsipras për kontestin e emrit duke theksuar se kjo do të hapë rrugë për Maqedoni të përparoj kah integrimet euro-atlantike, pra në NATO dhe BE, përcjell Telegrafi Maqedoni.

“Kjo nuk është mirë vetëm për Maqedoninë, por edhe për gjithë rajonin”, tha Garrett pas nënshkrimit të memorandum bashkëpunimit me Qeverinë e Republikës së Maqedonisë.

Ai shprehi shpresë se Maqedonia do të fitoj datë për bisedime në mbledhjen e Këshillit të BE-së, e më pastaj edhe ftesë për anëtarësim në NATO.

Ambasadori britanik vërtetoi deklaratën e ministrit të jashtëm i Britanisë së Madhe, Boris Johnson se ky është lajm fantastik dhe se për arritjen e kësaj marrëveshje duhet lidership të mire dhe guxim politik, duke u thirrur te liderët e të dyja vendeve.

Ambasadori Garrett gjithashtu tha se posaçërisht është me rëndësi të nxirret në pah mesazhet përgëzuese që vinin nga Londra, Uashington, Berlini dhe nga njerëzit kryesorë të Komisionit Evropian dhe NATO, si dhe Mogherini, Hahn, Stoltenberg, Tusk.

Sipas tij, këto mesazhe tregojnë se sa është e mirëpritur kjo ngjarje./Telegrafi/