Galtier dëshiron të mbajë Neymarin, por pranon se “ka shumë gjëra që nuk mund t’i kontrolloj”.

Trajneri i sapoemëruar i Paris Saint-Germain, Christophe Galtier, ka pranuar se ndërsa do të dëshironte të mbante shërbimet e yllit brazilian Neymar, vendimi përfundimtar nuk është vetëm në duart e tij.

Trajneri francez së fundmi zëvendësoi argjentinasin Mauricio Pochettino, i cili u largua këtë verë pasi punoi për një vit e gjysmë me gjigantët e Ligue 1.

Ish-trajneri i Nice deklaroi qartë se vendimi përfundimtar për të ardhmen e sulmuesit brazilianit nuk i përket vetëm atij, pasi do të merret nga klubi.

Lexo po ashtu Messi dhe Mbappe përplasen për të ardhmen e Neymarit në PSG

“Po, isha i qartë. Më pas, e përsëris, në këtë fushë, ka shumë gjëra që nuk mund t’i kontrolloj”, ka thënë fillimisht Galtier për L’Equipe.

Trajneri i PSG-së shtoi më tej se ai synon të zvogëlojë numrin e skuadrës së kampionëve të Ligue 1, të cilët kanë një listë të gjatë lojtarësh në listën e tyre.

“Ne kemi 26 ose 27 lojtarë përveç portierëve, është e madhe. Ka lojtarë për të cilët do të zvogëlohen hapësirat. Ne folëm me ta. Nuk ishte një ushtrim i lehtë”.

Lexo po ashtu Lista me 10 lojtarët që PSG nuk i merr në turneun para-sezonal në Japoni

“Ata janë lojtarë që duhet t’i respektojmë. Këtë sezon do ta nisim me 21 lojtarë dhe disa të rinj”.

“Klubet e mëdha që performojnë në një nivel shumë të lartë janë ato që arrijnë të integrojnë të rinjtë më të mirë në një fuqi punëtore me përvojë dhe cilësore”, përfundoi trajneri i PSG-së. /Telegrafi/