Futbollisti që e lëndoi Odegaardin i kërkon falje publike

Kapiteni i Arsenalit, Martin Odegaard mori një kërkim falje të sinqertë nga Christoph Baumgartner, lojtari që e lëndoi atë gjatë fitores 2-1 të Norvegjisë ndaj Austrisë të hënën.

Baumgartner, një mesfushor i RB Leipzig, u shpreh në mediat sociale për të shprehur keqardhjen e tij për incidentin, i cili e la Odegaard me një ndrydhje të dyshuar të kyçit të këmbës.

“Përshëndetje djema! Unë do të doja t’i kërkoja sinqerisht falje Martin Odegaard”, postoi Baumgartner në ‘InstaStory’ e tij në Instagram.

Lexo po ashtu Tronditet Arsenali, Odegaard pëson lëndim të rëndë dhe largohet nga fusha duke qarë

“Nuk ka qenë asnjëherë qëllimi im për të lënduar këtë lojtar fantastik. I uroj gjithë të mirat dhe një shërim të shpejtë! Kthehu më i fortë”.

Odegaard u largua nga fusha pasi një sfidë nga Baumgartner e bëri atë të rrotullonte kyçin e këmbës së majtë.

Mjeku i ekipit të Norvegjisë më vonë konfirmoi një “ndrydhje të vogël të kyçit të këmbës”, duke e lënë Arsenalin të djersitur për gjendjen fizike të kapitenit të tyre përpara Derbit të Londrës Veriore të së dielës kundër Tottenhamit./Telegrafi/