“Fustani i ëndrrave” të Kendall Jenner vodhi shfaqjen në sfilatën e Parisit, korse me detaje në ngjyrën e lëkurës

Kendall Jenner ishte një nga modelet në sfilatën e Schiaparelli në Javën e Modës në Paris dhe fustani që ajo tregoi vodhi pamjen gjatë këtij eventi.

Pikërisht, Schiaparelli hapi Javën e Modës së Lartë në Paris me Kendall Jenner, e cila u shfaq me një fustan të pazakontë që kombinon një korse ngjyrë lëkure së bashku me ijet e theksuara dhe detajet e qëndisura në pjesën e poshtme që zvarriteshin pas saj.

Vetë Kendall postoi foto në këtë krijim, të cilin e cilësoi si një “fustan ëndrrash”.

View this post on Instagram

A post shared by Models (@on1y_models)

Drejtori kreativ Daniel Roseberry, i cili ka qenë në krye të Schiaparelli që nga viti 2019, prezantoi një koleksion femëror të zbukuruar me rrufe të ekzagjeruara, dantella të ndërlikuara dhe mëndafsh të qëndisur.

Shtëpia italiane e modës, e themeluar në vitin 1927 nga Elsa Schiaparelli, është e njohur për modelet e saj surreale dhe avangarde.

Duket se Roseberry u frymëzua nga modelet e Schiaparelli-t nga vitet 1950, një dekadë që shpesh konsiderohet kulmi i modës së lartë – nga fustanet tek siluetat e mrekullueshme që nxjerrin në pah belin.

Pjesët e tyre janë veshur nga shumë zonja të famshme si Cynthia Erivo, Nicole Kidman dhe Kylie Jenner.