‘Friday for Future’ përsëri marshon kundër ndotjes së ajrit në Shkup

Sot në orën 17:00 në Shkup përsëri do të marshohet për ajër të pastër.

Sipas ‘Friday for Future’ problemi i ndotjes së ajrit në Shkup dhe qytetet tjera të ndotura ka pasoja të mëdha ndaj shëndetit të qytetarëve. Sipas statistikave, rreth 17.000 qytetarë kanë humbur jetën gjatë pesë viteve të kaluara si pasojë e drejtpërdrejtë e ajrit të papastër, njofton Telegrafi Maqedoni.

Nga kjo nismë i bënë thirrje nxënësve të shkollave të mesme që të mos bojkotojnë mësimin gjatë ditës por vetëm kur do të fillojë marshi protestues.

“Kjo periudhë e vitit arsimor është i rëndësishëm për nxënësit, por ajri i pastër është më i rëndësishëm. Për kët shkak ‘Të premtet për të ardhmen – Shkup’, nuk bëjnë thirrje për bojkotim të gjithë ditës mësimor, por në mënyrë simbolike të braktiset ora mësimore në fund të ditës dhe të bashkëngjiten në marsh”, thuhet në thirrjen drejtuar nxënësve të shkollave të mesme.

Nga kjo nismë theksojnë nuk përkrahin asnjë aktivitet tjetër jashtë këtij programi dhe se s’do ketë keqpërdorime të kauzës ekologjike për qëllime personale apo partiake./Telegrafi/