Presidenti i Francës, Emmanuel Macron dhe ai i Kinës, Xi Jinping kanë njoftuar se kanë arritur një marrëveshje të re tregtare në vlerë prej 13.5 miliardë euro. Ata shprehën njëkohësisht mbështetjen për Marrëveshjen e Parisit për Klimën.
Macron dhe Jinping deklaruan një bashkëpunim të fortë shumëpalësh dhe rritjen e tregtisë së lirë.
“Kina dhe Evropa janë të të njëjtit mendim, se një luftë tregtare sjell vetëm humbës”, tha Macron gjatë një vizite në Pekin.
Prioriteti tani është zhvillimi i qasjeve të reja në treg dhe i partneriteteve midis kompanive.
Prandaj, të dyja vendet nënshkruan marrëveshje të reja tregtare me vlerë 13.5 miliardë euro apo 15 miliardë dollarë amerikanë. Në veçanti dokumenti në fjalë mbulon transportin ajror, financat dhe mjedisin. Kina dhe Franca shpresojnë që marrëveshja të forcojë bashkëpunimin në prodhimin e avionëve dhe të helikopterëve.
Vizita e Macronit në Kinë mund të merret edhe si sinjal për të zbutur tensionet e vazhdueshme që mbizotërojnë në ekonominë botërore dhe në tregti, veçanërisht në lidhje me luftën tregtare midis Uashingtonit dhe Pekinit, por edhe për shkak të presionit në rritje mbi Kinën nga Bashkimit Evropian.
BE-ja e kritikon udhëheqjen në Pekin se pavarësisht nga premtimet e mëdha për reforma i diskriminon sipërmarrjet evropiane.
Por nuk u fol vetëm për bashkëpunimin ekonomik. Macron gjithashtu foli edhe për probleme te liritë bazë dhe tek të drejtat e njeriut, veçanërisht në lidhje me protestat e vazhdueshme në Hong Kong. Macron dhe Xi gjithashtu u deklaruan në mbështetje të Marrëveshjes së Klimës së Parisit. Të dy theksuan “mbështetjen e tyre të fortë” për paktin botëror të vitit 2015.
“Marrëveshja e Parisit është e pakthyeshme dhe një busull për veprime më energjike mbi klimën”, thuhet në një deklaratë për vizitën e Macronit në Kinë.
Në letër, të dy presidentët paralajmërojnë për rrezikun e “humbjes së biodiversitetit”. Ndryshimi i klimës kërcënon veç kësaj paqen dhe stabilitetin në të gjithë botën. Këto deklarata janë një sinjal demonstrativ kundër vendimit të Shteteve të Bashkuara të Amerikës për tërheqjen nga Marrëveshja e Klimës. Uashingtoni e njoftoi zyrtarisht daljen nga kjo Marrëveshje ditë e hënë. Vendimi u prit me kritika masive në të gjithë botën. Marrëveshja hyri në fuqi para tri vjetësh. /Deutsche Welle/
Lufta Prigozhin - Putin
Më shumëPasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
EBC Cosmetics vjen me zbritjen më të madhe vjetore
Modë apo relaks?
StaffiX ofron trajnim për Bazat e Menaxhimit të Burimeve Njerëzore
Evapify - Pasagjeri yt i përhershëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre