Fotografitë që tregojnë se si dukej stërvitja ushtarake e aviacionit të SHBA-së dhe BeH, F-16 në veprim

Një stërvitje dypalëshe u zhvillua sot midis Forcave të Armatosura të Bosnjë dhe Hercegovinës (OSBiH) dhe Forcave Ajrore të SHBA.

Gjatë pasdites, dy aeroplanë luftarakë F-16 Fighting Falcon nga Forcat Ajrore të SHBA kryen një stërvitje sulmi ajër-tokë në bashkëpunim me kontrollorët e mbështetjes ajrore me Forcat Speciale të Ushtrisë së SHBA dhe Forcat e Armatosura të BeH.

Stërvitja u mbajt në zonën e Tuzlës dhe Bërçkos dhe se si dukej mund ta shihni në fotogaleri, transmeton Telegrafi.

Lexo po ashtu Ministri i Mbrojtjes i Bosnjës, takim urgjent me të dërguarin ushtarak amerikan – kanë një mesazh tjetër për Dodikun

Ky trajnim dypalësh, siç ishte paralajmëruar më parë nga ambasada e SHBA-së në BeH, është një shembull i bashkëpunimit të avancuar që kontribuon në paqen dhe sigurinë në Ballkanin Perëndimor, dhe demonstron përkushtimin e Shteteve të Bashkuara të Amerikës për ruajtjen e integritetit territorial të Bosnjë-Hercegovinës. , duke kundërshtuar aktivitetet anti-Dejton dhe secesioniste.

SHBA-ja thekson se Kushtetuta e Bosnjë-Hercegovinës nuk e lejon të drejtën e shkëputjes, dhe se do të veprojë nëse dikush përpiqet të ndryshojë këtë dispozitë bazë të Marrëveshjes së Dejtonit.

Ky trajnim është pjesë e përpjekjeve të forcave të SHBA për të shkëmbyer taktika, teknika dhe procedura me Forcat e Armatosura të BeH.

Misioni u mbështet gjithashtu nga avioni KC-135 Stratotanker, i cili siguroi furnizim ajror për F-16 mbi entitetin Republika Srpska në Bosnje dhe Hercegovinë. /Telegrafi/