Formacioni i mundshëm i Anglisë në “Katar 2022” – a munden “Tre Luanët” ta fitojnë Kupën e Botës?

Trajneri i Kombëtares së Anglisë, Gareth Southgate ka disa vendime të mëdha për të marrë përpara ndeshjes së parë të fazës së grupeve të së hënës me Iranin.

Pritja pothuajse ka mbaruar. Anglia më në fund do të fillojë Kupën e Botës “Katar 2022” të hënën pasdite kur do të përballet me Iranin në stadiumin Khalifa International.

‘Tre Luanët’ arritën në gjysmëfinale në Rusi katër vjet më parë dhe më pas iu afruan edhe më shumë trofeut në Euro 2022, duke humbur nga Italia me penallti në finalen e Wembley.

Kështu, këtë herë, ata po kërkojnë të bëjnë një hap më tej në Katar dhe më në fund të marrin në dorë një trofe të parë të madh ndërkombëtar që nga viti 1966.

Ready for the @FIFAWorldCup. 🏴󠁧󠁢󠁥󠁮󠁧󠁿 pic.twitter.com/gCVjLVQ8h3

— England (@England) November 19, 2022

Por, kë duhet të zgjedhë Southgate për të filluar turneun kundër Iranit?

Mediumi i njohur Goal.com ka publikuar 11-shen e tyre me formacionin e mundshëm të Anglisë, me Southgate që besohet se mund të rreshtohet me 4-3-3.

Në portë pritet të jetë Jordan Pickford, me krahët e mbrojtjet nga Kieran Trippier dhe Luke Shaw, ndërsa në qendër Ben White dhe John Stones.

Mesfusha pritet t’i besohet Declan Rice dhe Jude Bellingham në qendër, ndërsa Phil Foden me një rol pak më të avancuar.

Në sulm, Southgate mund të paraqitet me treshen, Bukayo Saka, Harry Kane dhe Raheem Sterling. /Telegrafi/