Java e 21-të në Superligë që u zhvillua në mesjavë ishte një nga më interesantet të zhvilluar deri më tani, ku nuk munguan ndeshjet e bukura me shumë gola.
Derbi ishte në Suharekë, ku Ballkani priti Dritën, duke e mposhtur këtë të fundit me rezultat 2-0.
Gjilani fitoi ndaj Feronikelit me rezultat 2-1, ndërsa Prishtina mposht Ferizajn (3-2).
Drenica ishte më e mirë se Flamurtari, duke triumfuar në fund me rezultat 3-1, ndërsa Llapi fitoi si mysafir i Trepçës '89 me rezultat 2-1.
Ndeshja me më së shumti gola ishte ajo mes Vushtrrisë dhe Dukagjinit që u mbyll 3-3.
Në një javë që mbrojtjet nuk ishin në nivel të detyrës për dallim nga sulmet, Telegrafi ka zgjedhur më të mirët e kësaj jave, në një formacion 3-5-2.
Portier
Në portë nuk kishte shumë dyshime. Kenan Haxhihamza është portieri më i mirë i javës së 21-të, pasi bëri disa pritje vendimtare ndaj Feronikelit.
Armend Ruxhi nuk mori asnjë gol, por Drita nuk rrezikoi asnjëherë, për këtë vendin në formacion e zë portieri i Gjilanit.
Mbrojtja
Mbrojtja vjen me tre. Kjo pasi pothuajse çdo mbrojtje gaboi shumë këtë javë. Në qendër është Arbër Prekazi, që pati paraqitje shumë të mirë ndaj Dritës.
Në të majtë është Arbër Potoku që nuk e ka të lëvizë lojtarin më të mirë të Dritës, Xhevdet Shabanin.
Në të djathtë është Përparim Osmani, që zhvilloi ndeshje shumë të mirë ndaj Flamurtarit, ku e fitoi edhe një penallti.
Mesfusha
Mesfusha vjen me pesë. Si fundor është Edvin Kuç, që shkëlqeu ndaj Dritës, duke shënuar edhe një super gola.
Më të avancuar janë Arbnor Ramadani (Llapi) dhe Ardit Hila (Prishtina), që me lojën dhe asistimet e tyre bërë diferencën.
Blend Baftiu po ashtu ka zënë vend në formacion për paraqitjen e tij dhe golin në derbi.
Po ashtu edhe Fiton Hajdari që me dy gola i dha fitoren Gjilanit ka zënë vend në formacion.
Sulmues janë dy. Ahmed Januzi ka zënë vend fal dy golave ndaj Ferizajt, duke u kthyer në këtë pozitë pas një kohe pa gola.
Po ashtu edhe Alban Shillova ka shënuar dy herë për Drenicën, duke zënë vend në formacion me paraqitjen e tij.
Trajneri i javës
Edhe këtë javë këtë vend e zë Ismet Munishi. Ekipi i tij e dominoi Dritën nga fillimi deri në fund, duke i dhënë leksion futbolli.
Ballkani fitoi ndaj Dritës me rezultat 2-0, duke qëndruar lider në Superligë.
Formacioni
