Juventusi është mysafir i Atalantas për ndeshjen çerekfinale të Kupës së Italisë që zhvillohet në Stadio Atleti Azzurri d'Italia.
Zonja e Vjetër është favorit në këtë takim, duke qenë se është lider i pakontestueshëm në Serie A.
Ndërkohë, Atalanta mban vendin e shtatë në tabelë dhe ka qenë në formë të mirë gjatë këtij sezoni.
Trajnerët Gian Piero Gasperini dhe Massimiliano Allegri i kanë publikuar njëmbëdhjetëshit startues për këtë sfidë.
Formacioni startues i Atalantas: Berisha, Toloi, Gjimshiti, Palomino, Hateboer, De Roon, Freuler, Castagne, Papu Gomez, Ilicic, Zapata.
Formacioni startues i Juventusit: Szczesny; De Sciglio, Rugani, Chiellini, Alex Sandro; Bentancur, Khedira, Matuidi; Bernardeschi, Cristiano Ronaldo, Dybala.
Bianconerët janë kampionë në fuqi të kësaj gare, pasi në sezonin e kaluar e mposhtën Milanin në finale. /Telegrafi/
