Florentino Perez: Liga e Kampionëve e merituar, Mbappe është harruar

Presidenti i Real Madridit, Florentino Perez ka analizuar triumfin e Real Madridit në Ligën e Kampionëve, si dhe ka siguruar tifozët se Kylian Mbappe tani është i harruar.

Mbappe zgjodhi të qëndronte me Paris Saint-Germain, pavarësisht se sugjeroi se donte të luante për Los Blancos.

Në finalen e Ligës së Kampionëve të së shtunës, Vinicius Jr shënoi golin e fitores, duke treguar se tashmë ka shpresë për të ardhmen në skuadrën e Real Madridit.

Lexo po ashtu Ancelotti pas triumfit në Ligën e Kampionëve: Nuk mund ta besoj, por e merituam

“Jam i qetë dhe i lumtur, të gjithë kemi punuar shumë gjatë gjithë sezonit për të arritur një situatë si kjo në të cilën jemi”, ka thënë fillimisht Perez për Movistar+.

“Real Madridi do të vazhdojë gjithmonë të punojë për të pasur lojtarët më të mirë, por Mbappe tashmë është harruar”.

“Asgjë nuk ka ndodhur, Real Madridi ka pasur një sezon perfekt dhe kjo është një çështje e harruar, ka vetëm një festë të Real Madridit”.

👔 Florentino Pérez: "This is all down to the players, the manager and the fans."#CHAMP14NS | #RealMadrid

— Real Madrid C.F. 🇬🇧🇺🇸 (@realmadriden) May 28, 2022

Liga e Kampionëve ishte e merituar

Ndërsa askush nuk priste që Real Madrid të mbretëronte në Ligën e Kampionëve në sezonin 2021/22, Perez e bëri të qartë se skuadra e meritonte suksesin e tyre.

“Këtë vit kemi pasur një sezon të mirë. Kemi luajtur me të gjitha skuadrat më të mira dhe i kemi mposhtur njëra pas tjetrës”.

“Është një Ligë e Kampionëve shumë e merituar, është rezultat i lojtarëve, trajnerit dhe tifozëve, këta lojtarë janë ndihmuar nga tifozët”, përfundoi presidenti i Real Madridit. /Telegrafi/