Florent Muslija ka vazhduar me formë shumë të mirë te skuadra e tij e re Paderborn.

Mesfushori i Përfaqësueses së Kosovës ka gjetur golin përsëri me fanellën e skuadrës zikaltër, ku kësaj radhe i ka shënuar ish-ekipit të tij Hannover 96.

Ishte minuta e 17-të e ndeshjes, kur Muslija u fut bukur në zonë dhe pasi shmangi një futbollist realizoi për 2-0.

https://twitter.com/SCPaderborn07/status/1518195010616934400?s=20&t=IBZAWRK7B2olotZ4sgy95A

Për yllin kosovar ky ishte goli i gjashtë këtë kampionat në Bundesliga 2, derisa ka bërë edhe dy asistime.

Vlen të përmendet se Muslija gjatë afatit kalimtar të janarit u largua nga Hannoveri për t'iu bashkua Paderbornit. /Telegrafi/

Bundesliga Sport
telegrafi sport app