Ylli i Kombëtares së Kosovës, Florent Muslija ka lënë gjurmë në ndeshjen e sotme të Fortuna Dusseldorfit ndaj Greuther Furthi në Bundesliga 2.
Fortuna Dusseldorfi ka fituar me rezultat 2-1 ndaj Greuther Furth në ndeshjen e vlefshme për javën e 17-të në Bundesliga 2.
Më meritori për këtë fitore të vendasve padyshim se ishte ylli i Dardanëve, Florent Muslija, i cili dha një asistim dhe shënoi një gol.
Muslija fillimisht asistoi në minutën e 24-të për Cedric Itten për epërsinë 1-0, teksa në minutën e 65-të shënoi për 2-0.
Deri në fund, mysafirët arritën të shënojnë një gol dhe ndeshja u mbyll me rezultat 2-1.
Kështu, Muslija tani arrin në kuotën e tri golave dhe një asistimi deri tani këtë sezon, ndërsa Dusseldorfi zë vendin e 16-të me 17 pikë. /Telegrafi/
