Floktari i famshëm zbulon: Kështu duhet ta bëni gërshetin në stilin e Meghan Markle (Foto)

Floktari i njohur James Johnson, i cili kujdeset për stilizimin e flokëve të shumë personaliteteve publike, ka zbuluar se si ta bëni gërshetin sipas modelit të cilin e ka bartur Meghan Markle në kurorëzimin e saj.

Më e mira nga e gjitha është që nuk është e nevojshme të ndani orë të tëra për stilizim të flokëve, por këtë stil modern femëror mund ta “kopjoni” për vetëm 15 minuta, transmeton Telegrafi.

Udhëzim:

1. Mbështillni flokët, pastaj ndani disa tufa – nga qendra e vijës ndarëse drejt veshëve.

2. Me ndihmën e shiritit pjesën tjetër të flokëve lidheni në formë të bishtit ulët të kalit. Tani bishtin mbështilleni dhe shtrëngojeni.

3. Merrni tufat të cilat më parë i keni shpalosur, butësisht tërhiqni prapa dhe me ndihmën e shiritit të hollë elastik lidhni bisht (mbi bishtin e parë).

4. Bishtin bashkojeni me bishtin e parë, në mënyrë që të bëni bisht të dyfishtë. Forconi mirë me shirit.

5. Mbështillni bishtin lart, para se ta kapni me karfica.

6. Me ndihmën e karficave të vogla forconi gërshetin dhe varësisht nga dëshira juaj mund të lini ndonjë tufë që të dalë jashtë.

7. Në fund me ndihmën e sprejit për flokë forconi flokët. /Telegrafi/