Tyson Fury ka premtuar se do ta nokautojë Deontay Wilderin në rimeçin që zhvillohet në Las Vegas, të vlefshëm për titullin WBC.
Ndërkohë që e ka vënë në pah fizikun e tonifikuar dhe më të rëndë në krahasim me duelin e parë. Kur e zhvilluan meçin e parë në dhjetor të vitit 2018, britaniku peshonte rreth 116 kilogramë, ndërsa pesha e tanishme e tij është 124 kilogramë.
Mirëpo, në peshë kishte shtuar edhe Wilder. Nga 96 kilogramë sa kishte në përballjen e parë, tash peshon 105 kilogramë.
(Foto: Al Bello/Getty Images/Guliver)
“Jam i kënaqur me peshën, akoma më i kënaqur me publikun. Turma ishte 99 për qind tifozë të Furyt, kanë udhëtuar dhe kanë sakrifikuar, faleminderit dhe nuk do t’ju zhgënjej”.
“Ai po përpiqet të shkaktojë zënkë, por i duhet më shumë fuqi, të gjithëve na duhet. Do të jetë një mbrëmje e hershme për dikë (duke aluduar në nokautimin e Wilder)”.
(Foto: Al Bello/Getty Images/Guliver)
“Shumë respekt për të gjithë, ju dua të gjithëve dhe do të shkojmë për triumf që në raundin e dytë”, ka thënë ‘Gypsy King’. /Telegrafi/
