Fituesi i medaljes së artë u gjet duke fjetur në park pasi u ankua për kushtet ‘të këqija’ të fshatit Olimpik

Fshati Olimpik po kalon një vapë serioze pasi një fitues i medaljes së artë u gjet duke fjetur pranë një stoli në park.

Ju do të besoni se të jetuarit në lagje të krijuara posaçërisht për të pritur olimpistët më të mirë në botë do të ishte diçka për të cilën të gjithë atletët do të ishin të emocionuar.

Por, jo një prej tyre.

Në vend të kësaj, fituesi i medaljes së artë, Thomas Ceccon ka thënë disa fjalë të ashpra për kushtet në të cilat jetonte në fshat.

Ceccon u ankua për mjedisin edhe pse ai vazhdoi të marrë dy medalje këtë javë.

Duke e quajtur atë një humnerë, notari italian duhet të ketë vendosur se gjumi në natyrë ishte kushte shumë më të mira se një vend me një shtrat kartoni.

Lexo po ashtu Notari italian Thomas Ceccon ka rrëmbyer zemrat e shumë vajzave në Lojërat Olimpike 2024 me pamjen e tij tërheqëse

Në një foto të bërë prej tij, mund të shihni një peshqir të bardhë të shtrirë në bar nën një pemë dhe pranë një stoli me notarin në gjumë.

Ishte një fotograf saudit, Husein Alireza që e kapi Ceccom duke dremitur dhe e postoi atë në llogarinë e tij në Instagram, duke etiketuar vendndodhjen si terrenin e Fshatit Olimpik.

23-vjeçari ka qenë i zëshëm për akomodimin e tij që nga humbja e tij gjatë finales së 200 metrave në shpinë të mërkurën më 31 korrik.

Ai u tha gazetarëve: “Nuk ka ajër të kondicionuar në fshat, është vapë, ushqimi është i keq. Shumë atletë lëvizin për këtë arsye: nuk është një alibi apo justifikim, është realiteti i asaj që ndoshta jo të gjithë e dinë”.

“Jam i zhgënjyer që nuk arrita në finale, por isha shumë i lodhur, është e vështirë të flesh edhe natën edhe pasdite”.

“Zakonisht, kur jam në shtëpi, fle gjithmonë pasdite: këtu kam vërtet luftë midis nxehtësisë dhe zhurmës”, shtoi ai.

Madje, federata italiane e notit FIN është detyruar të sqarojë se video e Cecconit në gjumë nuk ka lidhje me komentet e tij të mëparshme për fshatin Olimpik.

Ata i thanë agjencisë së lajmeve ANSA ‘ishte thjesht një sy gjumë’, duke theksuar gjithashtu se klipi është filmuar gjatë ditës.

Megjithatë, Ceccon nuk është i vetmi atlet që ka kritikuar kushtet në Fshatin Olimpik.

Garuesja e SHBA-së, Coco Gauff tregoi se një nga shoqet e saj të skuadrës në tenis u largua nga fshati pasi zbuloi se dhomat ishin ‘shumë të ngushta’.

Notari francez Assia Touati tha kohët e fundit: “Ne nuk kishim klimë

në dhomën e gjumit, por ata e instaluan atë gjithsesi sepse ishte shumë nxehtë”.

Garuesja australiane Matilda Kearns doli gjithashtu për të thënë se ajo ‘tashmë kishte bërë një masazh për të zhbërë dëmin’ nga gjumi në dyshek në Fshatin Olimpik. /Telegrafi/