Fituan me rezultat të thellë, Odegaard ka disa fjalë për bashkëlojtarët e tij

Mesfushori i Arsenalit, Martin Odegaard ka komentuar fitoren e skuadrës së tij ndaj PSV-së.

Arsenali  shkatërroi PSV-në në ndeshjen e parë të fazës së 16-të të Ligës së Kampionëve duke triumfuar me rezultat 7-1 në udhëtim.

Pas ndeshjes, kapiteni i Arsenalit, Martin Odegaard ndau mendimet e tij për suksesin e ekipit.

“Ishte vërtet një lojë e mrekullueshme nga i gjithë ekipi. Ne sulmuam shumë mirë, shënuam gola dhe krijuam momente”.

“Kur luani në këtë fazë të Ligës së Kampionëve, është gjithmonë e vështirë, veçanërisht jashtë shtëpisë. Mendoj se kemi bërë një punë të jashtëzakonshme për të arritur një rezultat të tillë. Jam shumë krenar që të gjithë mundën të rikthehen pas dy ndeshjeve të fundit. Ishte një paraqitje e mirë nga ne”.

“Është e vështirë të shpjegohet, por ne punuam shumë për t’u përmirësuar pas dy ndeshjeve të fundit. Ato paraqitje nuk ishin mjaft të mira nga ana jonë. Ne punuam shumë çdo ditë në stërvitje dhe sot e patë se çfarë jemi të aftë. Shpresoj që të vazhdojmë në të njëjtën mënyrë”.

“Ky është mentaliteti i ekipit. Ne gjithmonë duam më shumë dhe e dimë se sa i rëndësishëm është çdo gol. Sot arritëm një rezultat vërtet të mirë dhe padyshim që jemi të kënaqur me këtë”.

” Nwaneri ? Ai është tashmë një lojtar i mrekullueshëm! Ai dhe Myles Lewis-Skelly , ju mund të shihni se çfarë kanë bërë këtë sezon – është e pabesueshme për moshën e tyre. Pra, po, jam shumë i lumtur që ata janë në ekip dhe më pëlqen të luaj me ta”, tha kapiteni i Topçinjve. /Telegrafi/