Fitore e vështirë për Man United në Old Trafford në startin e sezonit të ri

Manchester United ia doli të fitonte me shumë mund ndaj Wolverhampton Wanderers në startin e tyre të edicionit 2023/24 në Ligën Premier, me rezultat 1-0.

Pas vetëm 12 minutash lojë, Marcus Rashford krijoi një rast serioz për Djajtë e Kuq, por që goditja e tij u bllokua nga Jose Sa.

Pas këtij rasti, Ujqit filluan të bëjnë lojë të bukur, duke vënë në rrezik portën e Andre Onanas në disa raste.

Ten to go in the half and it remains goalless at Old Trafford.

We've started well, with Sarabia and Cunha having the best chances of the game so far, but no breakthrough. #COYW pic.twitter.com/EGOrRAvzlq

— Wolves (@Wolves) August 14, 2023

Në minutën e 27-të, Matheus Cunha gjeti Pablo Sarabian, që lëshoi një goditje të fuqishme, por që shkoi ngjitur shtyllës.

Rast të mirë më pas lëshoi vetë Cunha (33’), që po ashtu ishte afër të mposhte portierin kamerunas.

Edhe fillimi i 45 minutave të dytë u dominua nga mysafirët, me Cunhan që goditi shtyllën e majtë në minutën e 49-të.

49' | #MUN 0-0 #WOL

Off the post 😳 Sarabia plays a dangerous ball across the face of the @ManUtd goal, finding Cunha in space at the back post, but the striker's first-time effort hits the upright and misses wide.#MUNWOL

— Wolves (@Wolves) August 14, 2023

Man United ia filloi të këndellje nga ky presion i Wolves, duke krijuar shanse për gol.

Dhe për t’i siguruar pikët e plota u përkujdes Raphael Varane që u asistua prej Aaron Wan-Bissakas (76’) për rezultatin 1-0.

RAPHAAAAAAAA! #MUFC || #MUNWOL pic.twitter.com/b14AzYQgtj

— Manchester United (@ManUtd) August 14, 2023

Në minutat e mbetur, Fabio Silva lëshoi dy shanse të arta për gol, apo më mirë të thuhet Onana bëri dy pritje bravuroze për të shpëtuar ekipin e tij.

Në xhiron e dytë, United do të ketë punë edhe më të vështirë, pasi përballet me Tottenhamin. /Telegrafi/