Fischer: Kufiri Maqedoni-Greqi të mbetet i mbyllur

Kryetari i Austrisë, Heinz Fischer, në një deklaratë dhënë për MIA në Strasburg, thotë që kufiri midis Maqedonisë dhe Greqisë duhet të qëndrojë i mbyllur për numrin e madh të emigrantëve të cilët gjenden te fqinji jonë jugor dhe se nuk guxohet të lejohet rivendosja e sërishme e shtegut ballkanik, transmeton Telegrafi Maqedoni.

-Qëndrimi i Austrisë është i ngjashëm me qëndrimin e Sllovenisë, Kroacisë, Serbisë dhe të shteteve tjera në atë shteg, e ai është që rruga nga Turqia përmes Greqisë e cila shpinte drejtë e në Gjermani, përmes të cilit kaluan qindra mijëra njerëz, është e papranueshme. Vetëm në katër muaj në vitin 2015, 800.000 njerëz kanë kaluar nëpër atë shteg. Kjo është e papranueshme dhe nuk mund të kontrollohet. Nëse Gjermania sjell vendim për kufizim të qasjes në territorin e saj, kjo do të shkaktojë një katastrofë të vërtetë. Prandaj, vendimi jonë i përbashkët ishte të zvogëlohet rreziku nga një zgjidhje e këtillë dhe si rezultat i këtij vendimi, numri i refugjatëve është në rënie dhe situata u bë e durueshme në Kroaci, Slloveni dhe në shtetet tjera, deklaroi presidenti Fischer për MIA.

I pyetur për situatën në kampin e madh të emigrantëve në anën greke të kufirit në Gjevgjeli, Fischer thotë se duhet të gjendet zgjedhje evropiane. – Problemi në Greqi i cili po përhapet drejt kufirit Greqi-Maqedoni, është tragjik dhe ne nuk jemi të verbër rreth kësaj çështjeje. Por, kjo duhet të zgjidhet me procedura evropiane. I dini masat që janë përcaktuar. Nuk e neglizhojmë dimensionin humanitar. Por, kjo situatë e duarve të zgjidhura, ti lëshojmë të shkojnë ku të duan, kjo më nuk është e mundur, deklaroi Fischer./Telegrafi/