Firefox 5 ofron qasje më të thjeshtë në Facebook

Shfletuesi i internetit Firefox 4 sapo është paraqitur në versionin e tij përfundimtar, e në internet kanë rrjedhur informatat për versionin e ri.

Sipas të dhënave në dispozicion, Firefox 5 sërish do të sjellë ndryshim të theksuar të pamjes, në shfletues do të zbatohen edhe disa shtojca “shoqërimi”, siç janë ato për qasjen më të thjeshtë në Facebook dhe rrjetet e ngjashme për shoqërim online.

Nga risitë në Firefox 5 supozohet se do ofrohet mundësia e manipulimit me disa lidhëza (tabs) të hapura në të njëjtën kohë, do të ndryshohet ngjyra e faqeve në të cilat janë shfaqur të gjitha lidhëzat e hapura, në shfletues do të integrohet treguesi i ngarkimit/shkarkimit, e tasti Home do të zhduket tërësisht, e sipas modelit të konkurrentit Google Chrome, në shfletues do të integrohen edhe shfletuesit e dosjeve pdf, mp3 dhe formateve tjera të ngjashme.

Ajo që do t’i gëzojë përdoruesit e rrjeteve për shoqërim online është integrimi më i mirë i Firefox 5 me Facebook, Twitter dhe shërbimet tjera të shumta online si Reddit, Digg… Qasja në to dhe ndarja e përmbajtjeve në to do të integrohet në shfletuesin e internetit.

Sipas paralajmërimeve, Firefox 5 do të duhej të paraqitej në treg qysh kësaj vere. /Telegrafi/