Fillimisht gjatë ndeshjes u konfrontuan, por as pas saj Tuchel dhe Conte nuk u qetësuan – gjyqtari i ndëshkoi dy strategët me kartonë të kuq

Thomas Tuchel dhe Antonio Conte më nuk do t’i kenë raportet siç i kishin më parë.

Trajneri i Chelseat dhe ai i Tottenhamit patën një kontakt acarues gjatë derbit mes dy skuadrave që përfundoi 2-2.

Dyshja u acaruan fillimisht kur italiani filloi të festonte golin e Pierre-Emile Hojbjerg që ishte i barazimit 1-1, dhe gjermani nuk pajtohej me atë sjellje, pasi kishte dy situata kontroverse deri tek goli.

Lexo po ashtu Në një derbi tensionues, Chelsea dhe Tottenhamin i ndajnë pikët

Fillimisht nuk u akordua një ndërhyrje e palejueshme ndaj Kai Havertz, më pas Richarlison kishte zënë rrezen e shikimit të Eduard Mendy, me që rast edhe ra goli.

Dy trajnerët u ndëshkuan me kartonë të verdhë, për të vazhduar më pas ndeshjes.

Reece James riktheu epërsinë për Blutë, ndërsa Harry Kane në minutën e 90+6-të i barazoi shifrat në 2-2.

Lexo po ashtu Dy gola brenda dhjetë minutash në derbin e tensionuar mes Chelseat dhe Tottenhamit

Me të përfunduar ndeshja, Conte shkoi t’i jepte dorën Tuchelit, por ky i fundit e mbajti atë, duke filluar edhe kështu eskalimi i situatës.

Gjyqtari Anthony Taylor u deshtë të ndërhynte sërish, por që tani me kartonë të kuq, duke qetësuar dyshen që mungojnë ndaj Leeds United (Chelsea), respektivisht ndaj Wolves (Tottenham). /Telegrafi/

SPURS ARE LEVEL! 😲

And it's KICKING OFF on the bench… TUCHEL VS CONTE 😤 pic.twitter.com/U6dWgrWFoo

— Sky Sports Premier League (@SkySportsPL) August 14, 2022

Things got HEATED between Thomas Tuchel and Antonio Conte after a dramatic 2-2 draw between Chelsea and Tottenham. 👀pic.twitter.com/qmKs1cUfpk

— Sky Sports News (@SkySportsNews) August 14, 2022