FFK kundër Superligës Evropiane: Qëndrojmë fuqishëm me UEFA-n

Federata e Futbollit të Kosovës ka shkruar se qëndron fuqimisht në mbështetje të UEFA-s dhe sistemit të futbollit që bazohet në solidaritet dhe merita sportive.

Ky reagim erdhi pasi sot gjatë ditës, Gjykata Evropiane i dha të drejtë Superligës Evropiane, që të formojë një kampionat siç ata e kishin menduar.

Shumë shpejtë, shumë nga federatat evropiane dhe klube të njohura dolën kundër mendimit për organizimin e kësaj gare.

Lexo po ashtu Gjykata Evropiane e Drejtësisë i jep të drejtë Superligës Evropiane, UEFA dhe FIFA vepruan kundër ligjit kur ndaluan themelimin

Këtij reagimi i është bashkangjitur edhe shtëpia kosovare e futbollit, ku sipas tyre ata qëndrojmë fuqishëm në mbështetje të UEFA-s dhe në mbrojtje të sistemit garues që bazohet në solidaritet dhe merita sportive

“Ndërsa po ballafaqohemi me projekte të tilla si “Super Liga”, të cilat synojnë ndarjen nga vlerat themelore sportive dhe solidariteti, FFK rishpreh përkrahjen e saj të parezervë ndaj UEFA-s në luftimin e kërcënimeve të tilla”.

Lexo po ashtu “Futboll falas për tifozët”, reagon drejtori i Superligës Evropiane pas vendimit të Gjykatës Evropiane të Drejtësisë

“Projekti i ashtuquajtur “Super Liga” nuk respekton vlerat e meritës sportive dhe synon shkatërrimin e sistemit të garave në futboll. FFK e sheh këtë projekt si një kërcënim ndaj integritetit dhe unitetit të futbollit, duke vënë në rrezik të gjithë strukturën e futbollit, e cila që nga themelimi i UEFA-s ka nxitur konkurrencën dhe zhvillimin e futbollit”.

“Federata e Futbollit të Kosovës do të vazhdojë të mbështesë fuqishëm UEFA-n dhe të ndërmarrë veprime të nevojshme të përbashkëta për të parandaluar çdo përpjekje për ndarje të futbollit”.

“Ne besojmë se e drejta dhe fuqia janë në anën e sistemit të bazuar në meritë sportive, dhe se kërcënimi i projekteve si “Super Liga” do të dështojnë dhe do të përballen me rezistencë dhe unitet të klubeve dhe të gjithë futbolldashësve”.

“FFK nxit të gjitha pjesëmarrësit e futbollit që të bashkohen në këtë kauzë të rëndësishme për të mbrojtur integritetin dhe vlerat e sportit tonë të dashur”.

Lexo po ashtu UEFA: Vendimi nuk do të thotë një miratim i Superligës Evropiane

“Ata që synojnë të ndahen nga familja e futbollit, e cila i ka rritur, do të ballafaqohen me refuzim dhe kritikë nga komuniteti i futbollit. FFK beson se uniteti dhe besimi në vlerat sportive do të fitojnë gjithmonë mbi ndarjen dhe interesat e ngushta.

Me vendosmëri do të vazhdojmë të mbrojmë futbollin tonë dhe të përkrahim çdo hap drejt një garë të drejtë, e bazuar në meritë sportive”, thuhet një njoftimin e FFK-së. /Telegrafi/