Fenerbahce përjashton Mesut Ozilin nga ekipi

Mesut Ozil po përmbushte një ëndërr fëmijërie kur u lidh me Fenerbahcen, por një qëndrim në Turqi është kthyer në një makth për ish-yllin e Arsenalit dhe ai është përjashtuar nga skuadra e klubit të tij aktualë.

Fituesi i Kupës së Botës 2014 ndërpreu lidhjet me Topçinjtë në janar të 2021 dhe përqafoi një mundësi për t’u lidhur me ekipin që ai u rrit duke e mbështetur.

Megjithatë, ai e ka parë të vështirë ecjen në Stamboll dhe tani e gjen veten të ngrirë nga planet e ekipit të parë pasi u largua në pjesën e parë në ndeshjen e tij më të fundit kundër Konyaspor.

Një deklaratë e shkurtër nga Fenerbahce e publikuar në faqen zyrtare të klubit, shkruhet se Ozil është përjashtuar nga skuadra.

Bilgilendirme

Futbol A Takımı oyuncularımız Mesut Özil ve Ozan Tufan, alınan karar gereği kadro dışı bırakılmışlardır.
Kamuoyuna duyurulur.

Fenerbahçe Spor Kulübü pic.twitter.com/dXbO1o9Scn

— Fenerbahçe SK (@Fenerbahce) March 24, 2022

“Lojtarët e ekipit A të futbollit, Mesut Ozil dhe Ozan Tufan janë përjashtuar nga skuadra sipas vendimeve të marra”, thuhet në njoftimin e Fenerit.

Shkaqet e përjashtimit të Ozilit ende nuk janë bërë të ditura, teksa është folur për krisje të raporteve shkaku i pagesave të parregullta dhe kritikave të lojtarit për drejtuesit.

Klubi zbuloi se ata do ta bëjnë publike arsyen e vendimit në kohën e duhur, por Ozil u tërhoq në pjesën e parë në fitoren 2-1 të Fenerbahce kundër Konyaspor në fundjavë.

Dhe sipas gazetës turke Aksam, Ozil u konsiderua ‘fizikisht i paaftë’ dhe luftoi për të vazhduar me nivelin e lartë të intensitetit të ndeshjes. /Telegrafi/