Fëmijët e Jennifer Lopez dhe Alex Rodriguez të ‘shkatërruar’ kur kuptuan për ndarjen e tyre, pas raportimeve të shumta

Fëmijët e Jennifer Lopez dhe Alex Rodriguez ishin po aq të habitur sa fansat për raportimet rreth ndarjes së tyre.

Çifti, të cilët u fejuan në 2019, hodhën poshtë thashethemet se u ndanë, duke thënë për Fox News se ata ishin duke punuar në ‘disa gjëra’.

TMZ, duke cituar burime, tani raporton se binjakët 13 vjeçarë të Lopez, Emme e Max, dhe vajzat e Rodriguez, Natasha, 16 vjeçe, Ella, 12 vjeçe, kishin ‘qajtur shumë’ kur qarkulluan lajmet për herë të parë se dyshja ishin ndarë.

Katër fëmijët e tyre nga martesat e dikurshme mbetën një përparësi në një ‘bisedë të gjatë’ që ata bënë kohët e fundit në lidhje me marrëdhënien e tyre.

Raportohet se është gjithashtu një nga arsyet që ish-lojtari i Yankees udhëtoi për në Republikën Dominikane për t’u ribashkuar me super yllin latin, e cila ndodhet atje për të xhiruar filmin e ardhshëm “Shotgun Wedding”.

Gjatë fundjavës, një fotograf i TMZ kishte pyetur A-Rod nëse është beqar, teksa përgjigja e tij ishte e prerë, “Jo, nuk jam beqar”.

Rodriguez dhe këngëtarja e “On the Floor”, 51 vjeçe, bënë një deklaratë të përbashkët të shtunën duke sqaruar se raportimet për ndarje ishin të pasakta.

Të njëjtit filluan të takoheshin në shkurt të vitit 2017 para se të fejoheshin në mars të 2019.

Alex është baba i vajzave Ella dhe Natash me ish-gruan e tij, Cynthia Scurtis. /Telegrafi/