Felipe Massa do të përlotë sërish Brazilin, tërhiqet pas 15 vjetësh (Foto/Video)

Felipe Massa i jep fund karrierës në Formulën 1.

Këtë herë duket se braziliani e ka me të vërtetë, në fund të këtij botërori.

Piloti brazilian, i cili e kishte njoftuar tërheqjen edhe vitin e kaluar, por që vendosi të rimendonte falë kërkesës së Williamsit.

Piloti 39-vjeçar do ta mbyllë karrierën në shtegun e Abu Dhabit, i cili do të zhvillohet më 26 nëntor.

Massa largohet kështu pas 15 vitesh në Formulën 1, e të dielën do të sigurojë padyshim edhe duartrokitjet apo përqafimet e tifozëve të tij në Interlagos të Brazilit, në të njëjtën pistë që njoftoi tërheqjen edhe vitin e kaluar i përlotur.

Me shumë gjasa, e ardhmja e tij do të jetë në Formulën E. Ndërkohë, për zëvendësimin e tij, Williams po mendon njërin mes Robert Kubica, që mund të rikthehet pas një mungese të gjatë si pasojë e një dëmtimi të rëndë, ose Daniel Kvyat.

Theksojmë se kushdo që do të përzgjidhet do të ketë koleg kanadezin Lance Stroll. /tch/telegrafi/

https://www.instagram.com/p/BbEpDP-gBV6/?taken-by=massafelipe19