Kandidati për kryetar të Partisë Demokratike, Fatbardh Kadilli shprehet se pas zgjedhjeve brenda partisë i takon Lulzim Bashës, jo vetëm ta mbajë partinë të bashkuar por ta çojë atë në fitore.
Ndërsa e cilësoi garën si të “pa barabartë”, Kadilli theksoi se 3 javë për të bërë fushatë ishte një kohë e pamjaftueshme.
Ai foli për përdorim të aseteve partiake nga z. Basha si dhe për thyerje të rregullave nga drejtuesit e tjerë të partisë pasi tha se janë shprehur publikisht pro kryetarit.
“Kjo garë nisi e pa barabartë dhe përfundoi e pabarabartë. Kishte pamundësi për secilin nga kandidatët për të garuar me kryetarin prej 8 vitesh. E gjithë trupa e PD, u përfshi hapur në fushatë kundër etikës dhe udhëzimeve që nxori partia. Po jap vetëm një tregues të thjesht faqet e degëve të PD publikonin vetëm takimet e Lulzim Bashës sa që dukej çuditshme që çfarë kërkon rreth e qark Shqipërisë. Kishte të gjitha aparatin e partisë në funksion, vetëm fotografë kishte me vete katër persona. Atëherë pse duhet të themi se Rama tregon u pa barabartë në garë duke përdorur burime shtetërore?”, deklaroi Kadilli, njofton Euronews Albania.
Ai tha se shifrat e reja për anëtarësinë tregojnë se nga 106 mijë anëtarë, PD ka zbritur sot në 76 mijë anëtarë dhe sipas tij përgjegjësia për tkurrjen i takon kryetarit të partisë.
Kadilli tha se shumë persona që kanë qenë anëtarë të PD, sot nuk e gjejnë më emrin në listë.
Pavarësisht se nuk siguroi vota për të qenë kryetar i PD, Kadilli tha se do ta vazhdojë projektin e tij për reformimin e PD duke shtuar se “thelbi i manifestit është që partia është më e madhe se sa kryetari”.
“Betejën për demokratizimin e partisë do ta vazhdoj, por jo në organizim paralele Do të komunikoj me demokratët rrugët janë të pafundme. Jam i vendosur t’i shkoj deri në fund këtij projekti dhe besoj se do ta rigjej forcën po të rikthehet te origjina e saj”, tha ai.
“Pas këtij momenti kësaj i takon të përgjigjet kryetarit të partisë pasi me meritë pa meritë është ai që zotëron partinë. I takon atij të mbajë përgjegjësitë për të mbajtur partinë të bashkuar por për të arritur fitoren”, përfundoi Kadilli.
Nga Telegrafi Jobs
Nga ZiuuRugs
Nga Al Trade Center
Nga AMECC Rezonanca
