Faqja zyrtare e “Eurovision” në Instagram censuroi foton nga performanca e Ronela Hajatit, Ardit Çuni: Nuk do të ndryshohet asgjë nga koreografia

Këngëtarja shqiptare, Ronela Hajati është përfaqësuesja e Shqipërisë në “Eurovision 2022” që mbahet nga 10 deri më 14 maj.

Por, një foto e Ronelës e publikuar nga faqja zyrtare e “Eurovsion” në Instagram nga provat e Ronelës në Torino të Italisë ka marrë gjithë vëmendjen.

Fotografia nga performanca përgatitore e Ronelës me trupën e saj të baletit u fshi nga faqja e Instagramit dhe më pas u tha se kjo ka ndodhur për shkak të censurës.

Për këtë situatë ka dhënë sqarime  një nga përfaqësuesit e delegacionit të Shqipërisë në “Eurovison” këngëtari Ardit Çuni gjatë një bisede ‘live’ me gazetarin Willima Lee Adams.

Çuni u shpreh se fotoja kryesore është fshirë, por asgjë nga performanca e Ronelës nuk është ndryshuar apo censuruar.

“Mund të konfirmoj se janë fshirë fotot dhe kemi kërkuara një përgjigje zyrtare për arsyet, por fotoja kryesore mund të keqinterpretohej si një performancë +18. Megjithëse kjo ishte një moment i vetëm nga e gjithë videoja.  Kur u pa video u vendosë që nuk ka asnjë gjë të keqe që nuk shkon. Janë ringarkuar fotot më vonë, por sa i përket videos nuk do të ketë asnjë censurim dhe Ronela do të ketë performancën që ka përgatitur që nga fillimi”, ka deklaruar Arditi.

Lexo po ashtu Ronela Hajati nis provat e Eurovisionit në Torino të Italisë

Kujtojmë që Shqipëria me Ronela Hajatin si përfaqësuese do të prezantohet e para në natën e parë gjysmëfinalen të festivalit. /Telegrafi/

View this post on Instagram

A post shared by A R D I T a.k.a Ç U N I (@arditcuni)