LAJMI I FUNDIT:

FAO: 820 milionë persona në botë flenë të uritur

FAO: 820 milionë persona në botë flenë të uritur

Në Ditën Botërore të Ushqimit, tema për sivjet është “Veprat tona janë e ardhmja jonë, dietë e shëndetshme, për t’i dhënë fund urisë botërore”. Më ketë temë Organizata e Kombeve të Bashkuara synon të sensibilizojë shoqërinë për t’i dhënë fund urisë dhe kequshqyerjes deri në vitin 2030.

Apeli u bë në një ceremoni madhore në selinë e Organizatës së Ushqimit dhe Bujqësisë (FAO) për të shënuar Ditën Botërore të Ushqimit.

Drejtori i Përgjithshëm i FAO-së, Qu Dongyu tha se uria nuk ka të bëjë vetëm me kequshqyerjen.


“Ka të bëjë edhe me qasjen në ushqim të mjaftueshëm, në sasi dhe cilësi, për të përmbushur nevojat ushqyese të njerëzve për një jetë të shëndetshme, ky është koncepti zero uri. Së dyti, mbipesha, obeziteti dhe sëmundjet e lidhura me to janë gjithashtu në rritje, duke prekur mbi dy miliardë njerëz në mbarë botën”, tha Dongyu, përcjell Telegrafi.

Në një raport të organizatës, thuhet se mbi 820 milionë njerëz në botë nuk kanë ushqim të mjaftueshëm.

Uria botërore, edhe pse ka regjistruar një prirje rënieje gjatë dekadave, ka qenë në rritje prej viti 2016, për shkak të faktorëve që përfshijnë efektet e ndryshimit të klimës dhe të konflikteve të armatosura.

Por shefi i FAO-së thotë se ndërsa numri i përgjithshëm i personave të pangopur ka ardhur në rritje vitet e fundit, shkalla ka qenë në rënie në lidhje me popullsinë botërore.

Sipas statistikave del se kequshqyerja për sa i përket mbipeshës ka prekur aktualisht 2 miliardë të rritur dhe gati 380 milionë fëmijë dhe adoleshentë në mbarë botën.

Të dyja kushtet janë në rritje, duke kontribuuar në katër milionë vdekje në botë. /Telegrafi/

Në trend Ekonomi

Më shumë
Rekord, mbi 52 milionë kilogramë mish importoi Kosova më 2024

Rekord, mbi 52 milionë kilogramë mish importoi Kosova më 2024

Ekonomi
Ruajtja e energjisë me bateri, Hashani: Projekt inovativ në Kosovë, ndër më të mëdhenjtë në botë për kokë banori

Ruajtja e energjisë me bateri, Hashani: Projekt inovativ në Kosovë, ndër më të mëdhenjtë në botë për kokë banori

Ekonomi
Projekte të suksesshme në përhapjen e energjisë diellore në Kosovë,Shqipëri dhe Maqedoni nga UniSolar

Projekte të suksesshme në përhapjen e energjisë diellore në Kosovë,Shqipëri dhe Maqedoni nga UniSolar

Ekonomi
Nga kreativiteti në karrierë - Telegrafi po kërkon

Nga kreativiteti në karrierë - Telegrafi po kërkon "Content Writer" të talentuar

Ekonomi
Revista Time nderon figurat më me ndikim për vitin 2024, mes tyre është edhe sipërmarrësi i suksesshëm shqiptar

Revista Time nderon figurat më me ndikim për vitin 2024, mes tyre është edhe sipërmarrësi i suksesshëm shqiptar

Ekonomi
Kosova kalon me sukses Scorecard-in e MCC për vitin fiskal 2025

Kosova kalon me sukses Scorecard-in e MCC për vitin fiskal 2025

Ekonomi
Kalo në kategori