Fansja e njeh më mirë se ç’njeh ajo veten e saj, Dua Lipa humbet në duelin kundrejt tifozes në lojën argëtuese të iHeartRadio

“Fansi kundër Artistit” është një prej shfaqjeve më të pëlqyera të iHeart Radio.

Kjo lojë argëtuese sjell në qendër të vëmendjes dy protagonistë: një artist të famshëm me fansin e tij më të zjarrtë.

Që të dy vihen para pyetjeve të ndryshme lidhur me artistin, dhe ai që merr më shumë përgjigje, ai e njeh më mirë personazhin e njohur.

Lexo po ashtu Dua Lipa, e vetmja femër në mesin e 10 albumeve më të shitura në Mbretërinë e Bashkuar

E ftuara e radhës ka qenë artistja shqiptare me famë ndërkombëtare, Dua Lipa, bashkë me fansen e saj të zjarrtë, Justine.

Ato filluan raundin me pyetjen e parë e cila ishte albumi i parë që Dua Lipa kishte blerë në jetën e saj, ku të dyja dhanë përgjigjen e saktë duke thënë “Whoa Nelly”.

Më pas ato qëlluan të sakta edhe përgjigjet se klipi “New Rules” ishte xhiruar në Miami, dhe se emri i Duas do të thotë “dashuri” në gjuhën shqipe.

Pyetja e fundit që i dha edhe fitoren fanses ishte se “çfarë kishte bërë Dua në iHeartRadio në prill të vitit 2017”, dhe përgjigjen e saktë e dha Justine duke thënë se artistja e saj e preferuar kishte lexuar disa “statuse të fansave në Twitter”.

Në momentin që kjo përgjigje u dha, Dua ngeli e habitur se si fansja e saj dinte kaq shumë në detaje për të.

Edhe prezantuesja e emisionit, i ka thënë në fund këngëtares shqiptare që fansja e njeh atë më mirë se ç’njeh ajo veten e saj. /Telegrafi/