Familja ndalon makinën ‘për të larguar qeset e mbeturinave’ në mes të rrugës, kuptojnë se në to kishte 1 milion dollarë

Një familje nga Virxhinia vetëm po përpiqej të dilte nga karantina e coronavirusit duke marrë një rrugëtim të gjatë kur gjetën atë që doli të ishte gati 1 milion dollarë në para – në mes të rrugës.

Siç bëhet e ditur, përcjell Telegrafi, familja kishte gjetur 1 milion dollarë të holla kur ata morën dy qese që ata menduan se kishin mbeturina.

David dhe Emily Schantz po udhëtonin pranë shtëpisë së tyre të Qarkut Caroline të shtunën kur makina e tyre po ecte pranë dy qeseve.

Zonja Schantz, pasi kishte parë makina të tjera që lëviznin nëpër qeset në një autostradë qendrore në Virxhinia, vendosi të ndalej dhe të merrte atë që ajo mendonte se ishin qese të mbeturinave.

Vetëm pas kësaj, familja Schantz zbuloi se në dy qeset gjendeshin rreth 1 milion dollarë para të gatshme.

Ata pastaj kontaktuan policinë e Qarkut Caroline, të cilët u dërguan në vendin e ngjarjes për të hetuar.

“Ata zbuluan se kishin vozitur rreth gjithë ditës me gati një milion dollarë në makinë”, ka thënë shefi i policisë Scott Moser.

“Të kesh dikë kaq të sinqertë që t’i kthejë ato para, ishte e jashtëzakonshme”, shtoi Moser.

Policia vazhdon të hetojë se si kanë mbetur qeset e parave në rrugë në Qarkun Goochland, por dyshojnë se i përkisnin Shërbimit Postar të SHBA-së dhe ishin në rrugë për në një bankë.

Moser tha se ai shpresonte që pronarët e parave të gatshme t’i siguronin familjes Schantz disa shpërblime për veprimin e tyre. /Telegrafi/