Facebook nënshkruan marrëveshje me tri firma të tjera mediale në Australi

Facebook Inc thotë se ka nënshkruar marrëveshje paraprake me tri firma mediale australiane, një ditë pasi Parlamenti i vendit miratoi një ligj që e detyron atë të paguajë kompanitë e medias për përdorimin e përmbajtjes në platformën e saj.

Facebook tha se nënshkroi marrëveshje partneriteti me Private Media, e cila zotëron revistat në internet, Schwartz Media dhe Solstice Media.

Dhe sipas Al Jazeera, përcjell Telegrafi, marrëveshjet tregtare do të hyjnë në fuqi brenda 60 ditëve nëse nënshkruhen marrëveshjet e plota.

Gjithsesi, deri më tani nuk janë zbuluar detajet financiare të marrëveshjes.

Facebook të Martën arriti një marrëveshje të ngjashme me Seven West Media, e cila zotëron një rrjet televiziv falas dhe gazetën kryesore metropolitane në qytetin e Perth.

Ndryshe, Australia të enjten u bë kombi i parë që miratoi një ligj në të cilin një “arbitër qeveritar” mund të përcaktojë çmimin.

Kështu, Google dhe Facebook i Alphabet Inc do të paguanin mediat vendase për përdorimin e përmbajtjes së tyre nëse bisedimet private dështojnë.

Facebook bllokoi të gjithë përmbajtjen e lajmeve në Australi një javë më parë, duke përmendur shqetësimet rreth rregullave, por të enjten rivendosi të gjitha burimet e lajmeve pasi arriti një marrëveshje me qeverinë. /Telegrafi/