Fabletët janë në modë, por telefonat e mençur udhëheqin

Të gjithë telefonat e mençur mobil kanë ekran më të madh se sa paraardhësit e tyre. Për shembull, iPhone 5 ka ekran më të madh se sa iPhone 4S dhe iPhone 4, Samsung Galaxy S4 ka ekran më të madh se Galaxy S3, ndërsa prapa këtij trendi nuk mbetet as HTC, modeli i fundit i së cilës ka ekran prej 4.7 inç.

Në të njëjtë kohë, tabletët po zvogëlohen gjithnjë e më shumë, duke filluar prej iPad-it me 9.7 inç, si dhe tableti tjetër i Google, Nexus me 7 inç apo Amazon Kindle HD, i cili ka të njëjtën madhësi të ekranit.

Dhe në betejën për ta dominuar industrinë, në treg janë paraqitur edhe kombinime të pajisjeve tjera si Galaxy Note 2 me ekran prej 5.5 inç, për të cilin disa mendojnë se është kombinimi më i mirë i dy botëve.

Megjithatë, ekspertët thonë se ky është vetëm një trend i industrisë. Ato përfaqësojnë mundësi të shumta për të eksperimentuar me formën e teknologjisë së pajisjeve inteligjente.

Por në realitet, këto pajisje nuk janë të rëndësishme, thotë kompania e hulumtimeve për pajisjet mobile Flurry, e cila ka studiuar më shumë se 200 pajisje të ndryshme mobile për të arritur në këtë konkludim.

Sipas Flurry, telefonat me madhësi të mesme (prej 3,5-4,9 inç) janë larg ma të përdorura se fabletët më të njohur në treg. /Telegrafi/