“Është lojtari më vendimtar në botë për momentin”, Ancelotti me lëvdata të mëdha për Vinicius Jr

Trajneri i Real Madridit, Carlo Ancelotti ka thënë fjalë të mëdha për sulmuesin brazilian, Vinicius Junior, i cili shkëlqeu edhe një herë në fitoren e të martës mbrëma ndaj Liverpoolit në Ligën e Kampionëve.

Real Madridi theksoi edhe një herë marrëdhënien e tyre të jashtëzakonshme me Ligën e Kampionëve pasi mposhti Liverpoolin me rezultat 5-2 në Anfield.

Është hera e parë që një skuadër ka shënuar pesë gola kundër Liverpoolit në shtëpi, por mund të mos ishte e mundur pa lojtarin më të mirë të Real Madridit, Vinicius Junior.

Lexo po ashtu Reali rikthehet nga disavantazhi për ta nëpërkëmbur Liverpoolin në Anfield

Me Karim Benzema dhe Thibaut Courtois që të dy po përjetojnë probleme lëndimesh këtë sezon, Vinicius Jr është rritur për të kërkuar një rol udhëheqës për Los Blancos këtë sezon.

Braziliani është golashënuesi më i mirë i tyre këtë sezon me 18 gola. Ai gjithashtu ka dhënë 9 asistime, që do të thotë se kontributi i tij është në 27 gola në 35 paraqitje.

Pas demolimit të Liverpoolit nga ana e tyre, trajneri italian, Ancelotti pretendoi se ai është futbollisti më vendimtar në botë aktualisht.

Vinícius Júnior’s game by numbers vs Liverpool:

63 touches
7 duels won (most)
4 dribbles completed
3 fouls won
2 shots
2 goals
1 chance created
1 assist
0.4 xG

So good. ⚡️ pic.twitter.com/Yjgr9pVDpS

— Squawka (@Squawka) February 21, 2023

“Sot, sipas mendimit tim personal, ai është lojtari më vendimtar në futbollin botëror. Për vazhdimësinë e tij nuk ndalet, driblon, asiston, shënon gola. Tani ai është më vendimtari. Shpresojmë që ai të vazhdojë kështu”, ka thënë Ancelotti.

Vinicius Jr jo vetëm që ka numrat për të mbështetur këtë ide, por shpesh është kërcënimi më i madh i Real Madridit nga loja e hapur. Ndoshta vetëm Kylian Mbappe mund të pretendojë se ai është më vdekjeprurës në formën aktuale. /Telegrafi/