Është i 240-ti në botë, por për shumë është më i miri i të gjitha kohërave – Rafael Nadal po i rikthehet tenisit

Tenisti spanjoll, Rafael Nadal do të luajë në Australian Open, konfirmoi drejtori i turneut Craig Tiley.

Spanjolli, 37-vjeçari që ka fituar 22 tituj Grand Slam, nuk ka luajtur tenis që nga janari dhe kur u dëmtua në raundin e dytë të Australian Open.

Këtë vit ai iu nënshtrua operacioneve të ndryshme muskulore dhe të ijëve, duke munguar një kohë të gjatë. Por, ai do të rikthehet.

Lexo po ashtu Nadal u eliminua në raundin e dytë të Australian Open pas një lëndimi

“Ne mund të zbulojmë ekskluzivisht se Rafa do të kthehet. Kemi folur disa herë gjatë ditëve të fundit dhe ai më ka konfirmuar se do të kthehet”.

“Jemi të emocionuar për ardhjen e tij, është e mrekullueshme”, ka thënë Tiley për fituesin e Grand Slamit të vitit 2009 dhe 2022.

🇦🇺 This morning, Craig Tiley, tournament director for the Australian Open, says he has spoken to Rafa, and confirmed his return to Australia in 2024:

“"We can reveal exclusively here that Rafael Nadal will be back.

He's been off for most of the year, and in talking to him over… pic.twitter.com/pGUhKhFDxJ

— Olly 🎾🇬🇧 (@Olly_Tennis_) October 10, 2023

Nadal, për shumë tenisti më i mirë i të gjitha kohërave, së bashku me Roger Federer dhe Novak Djokovic, do të mund të luajë në Australian Open 2024 falë një renditjeje të mbrojtur.

Ish-tenisti numër një i botës tani është vetëm i 240-ti në renditjen e ATP-së. Ai më herët kishte thënë se viti i ardhshëm do të jetë i fundit në tenisin profesionist. /Telegrafi/