Ermir Lenjani flet nga karantina për gjendjen aktuale te Sioni dhe për situatën që kishte ndodhur në klub pas shpërthimit të coronavirusit

Ermir Lenjani ka qenë mysafiri i radhës në intervistën e Telegrafi Sport.

Anëtari i Sionit ka rrëfyer shumë gjëra interesante rreth karrierës së tij me klubet ku ka luajtur dhe për disa situata te Kombëtarja e Shqipërisë.

30 vjeçari është ndalur fillimisht të flas për kohë që po e kalon në karantinë, derisa ka thënë se ai po kalonte në formë të mirë te skuadra zvicerane, duke shënuar pesë gola dhe ka bërë katër asistime.

“Jam duke bërë ushtrime personale me një planprogram të bërë nga klubi,derisa po shpresojmë që të rikthehemi të luajë më shpejtë, tash sidomos kur jemi kthyer në klub, pasi u larguam shkaku i krizës dhe tifozët e mirëpritën një vendim të tillë”, ka thënë fillimisht Lenjani për Telegrafin në Instagram.

“Nëse do vazhdonte sezoni dhe po të kisha më shumë sukses, do të kisha arritur të shënoja një shifër dyshifrore, por edhe që trajneri më ka futur më shumë si mbrojtës i majtë dhe vështirë se do mund të shënoja më shumë gola”.

“Jam aktualisht lojtari i vetëm që luaj te SIoni në disa pozita si mbrojtësi, mesfushor dhe sulmues i majtë, pasi trajneri dhe bashkëlojtarët na besojnë”, ka shtuar më tej ai.

Lenjani beson se do të vazhdojë edhe disa vite me Sionin, duke thënë se situata tash me presidentin është me e qetë dhe katër lojtarët që ishin larguar nga klubi, janë rikthyer dhe presin të kthehen më të fortë. /Telegrafi/