Erling Haaland thyen një rekord të madh në Bundesliga

Erling Haaland nuk humbi kohë për të rifilluar aty ku e la Borussia Dortmundin, pasi ai gjeti rrjetën në paraqitjen e tij të parë pas një periudhe jashtë fushe shkaku i lëndimit, dhe me këtë gol theu një rekord të Bundesligës.

Norvegjezi doli në fushë të shtunën pasdite si zëvendësues i vonshëm kundër Wolfsburgut në ndeshjen e javës së 13-të.

Atij iu deshën më pak se 10 minuta për të lënë shenjën e tij, ndërsa mysafirët arritën në një fitore të madhe 3-1.

Lexo po ashtu Borussia Dortmund fiton ndaj Wolfsburg dhe merr pozitën e parë, Haaland kthehet nga lëndimi me gol

Kthimi i Haaland si zëvendësues në këtë ndeshje ishte një nxitje e madhe për Dortmundin, i cili luftoi pa prekjen e tij të jashtëzakonshme të shënimit të golave.

Ai pritej të humbiste pjesën tjetër të dhjetorit për shkak të një dëmtimi në ijë, por ishte mjaftueshëm i aftë për t’u rikthyer në afat rekord.

Sulmuesi u fut në lojë në minutën e 72-të në vend të Donyell Malen, me Dortmundin 2-1 në avantazh falë golave ​​të sulmuesit holandez dhe Emre Can.

Erling Haaland only took seven minutes to score on his return from injury ?

He now has 50 goals in 50 Bundesliga games ?

???????. pic.twitter.com/sb1AhMHmcp

— GOAL (@goal) November 27, 2021

Pas këtyre dy golave, në skenë doli pikërisht norvegjezi, i cili në minutën e 81-të arriti ta gjej golin për rezultatin përfundimtar 3-1, duke shënuar rikthimin perfekt.

Numri i tij i golave në Bundesliga këtë sezon tani është 10 në vetëm shtatë ndeshje, me vetëm Robert Lewandowskin që ka më shumë gola deri më tani këtë sezon.

Ky ishte gjithashtu goli i tij i 50-të në po aq paraqitje në Bundesliga – rekord i madh, pasi asnjë lojtar në histori të kampionatit gjerman nuk e ka arritur këtë shifër të golave  më shpejt se 21-vjeçari norvegjez. /Telegrafi/

50 – Borussia Dortmund’s Erling Haaland scored his 50th goal in the Bundesliga today – no other player in BL history has reached that mark in as few appearances (50) or at such a young age as the Norwegian (21 years 4 months 6 days). Machine. #WOBBVB pic.twitter.com/289FhPK8tI

— OptaFranz (@OptaFranz) November 27, 2021