Erdogani: Feja ime nuk është sunizmi e as shiizmi po islami (Video)

Në Samitin e 13-të të Organizatës së Bashkëpunimit Islamik (OBI) që u mbajt në Stamboll, presidenti i Turqisë, Recep Tayyip Erdogan, ka thënë se feja e tij nuk është as sunizmi e as shiizmi, por islami.

Ai, gjatë një fjalimi tha se myslimani është vëlla i myslimanit, ndërsa e quajti hipokrizi shqetësuese faktin se në Perëndim dënohen e përmenden vetëm sulmet terroriste në Paris apo Bruksel, mirëpo jo edhe në ato në Ankara, në Stamboll dhe Lahor, transmeton Telegrafi.

• LEXO PO ASHTU: Erdogani godet shtetet islame për mosnjohjen e pavarësisë së Kosovës (Video)

“Organizatat terroriste duhet të luftohen komplet dhe me vendosmëri të njëjtë”, ka thënë ai. “Myslimanët të cilët e përbëjnë një të katërtën e botës, a kanë ndonjë përfaqësues (në KB)? Jo. Gjatë vendimeve sikur vetëm një nga ato pesë vendet anëtare të sillet negativisht, puna mbaron. Prandaj, unë them që bota është më e madhe se ato pesë vende. Është i detyrueshëm reformimi i OKB-së. Se një sistem që vet është ndërtuar mbi padrejtësi është e pamundur të kontribuojë në sigurimin e drejtësisë botërore”. /Telegrafi/