Sapo kanë filluar gërmimet për varrezë masive tek Ura e Ibrit.
Interesimi është i madh, ndërsa të pranishëm janë edhe medieve të huaja, qytetarë të Mitrovicës.
Aty janë parë edhe ekipi nga Prishtina si dhe udhëheqës të Mitrovicës.
Ende s’kanë filluar gërmimet për varrezë masive tek ura e Ibrit (Foto)
Ende nuk kanë filluar gërmimet tek ura e Ibrit në Mitrovicë ku po dyshohet për varrezë masive, edhe pse fillimi i gërmimit ishte planifikuar për në ora 10:00.
Të pranishëm në atë pjesë shihen forca të KFOR-it dhe qytetarë të Muitrovicës, ndërkaq po pritet që një ekip nga Prishtina të jetë në vendngjarje për të filluar gërmimi, raporton Telegrafi.
Millorad Trifunovic, kryetar i Shoqatës së personave serb të pagjetur në Kosovë në një prononcim për media tha se është i lumtur për fillimin e gërmimeve këtu tek ura e Ibrit.
Sipas tij , ka ardhur koha që të thyhet kjo heshtje për çështjen e personave të pagjetur.
“Ka dëshmitar për një gjë tillë, andaj ka ardhur koha që kjo heshtje të thyhet dhe të tregohen gjërat ashtu si janë”, tha ai. /Telegrafi/
