Ende nuk ka dal iPhone 12, por analistët “zbulojnë” se çfarë mund të presim nga iPhone 13

iPhone 12 nga Apple pritet të mbërrijë këtë muaj, por disa analistë tashmë janë duke parë përpara se çfarë gjiganti i teknologjisë mund të ketë planifikuar për vitin e ardhshëm.

Parashikimet e fundit u ndanë nga Ross Young, themelues dhe CEO i Display Supply Chain Consultants, një firmë kërkimore e specializuar në të dhënat që lidhen me produktet e Apple, transmeton Telegrafi.

Young kohët e fundit postoi disa parashikime në Twitter në lidhje me atë që të presim, duke filluar nga madhësia e ekranit dhe kamera e iPhone 13, si dhe detajet që lidhen me iPhone SE të ardhshëm.

Informacioni bazohet në kërkime nga firma bankare e investimeve Mizuho Securities, dhe disa nga detajet bien në përputhje me gjetjet nga Display Supply Chain Consultants, shkroi Young.

Apple nuk iu përgjigj menjëherë kërkesës së Business Insider për koment.

Gjetjet sugjerojnë se iPhone 2021 mund të mbajnë të njëjtën madhësi të ekranit si iPhone i ardhshëm 12.

Shkrimi në Twitter-i i Young tregon se iPhone 13 mund të vijë në variante 5.42-inç dhe 6.06-inç, ndërsa iPhone 13 Pro dhe iPhone 13 Pro Max më i madh mund të jetë i disponueshëm në madhësi 6.06-inç dhe 6.67-inç.

Like DSCC, Mizuho Securities also says no new iPhone SE model in 2021, have to wait till 2022. They do say all iPhone 13 models will have integrated touch, BOE will join LGD on both 6.1" models, mini and 13 will adopt 12 Pro Max camera sensors, & sensor size will increase on Pro. pic.twitter.com/G9f6cz8dm0

— Ross Young (@DSCCRoss) October 2, 2020

iPhonet e rinj që pritet të prezantohen nga Apple përfshijë një iPhone 12 5.4 dhe 6.1 inç, një iPhone 12 Pro 6.1 inç dhe një iPhone 12 6.7 inç. Modelet e iPhone 12 pritet gjithashtu që të gjithë të kenë ekrane OLED.

Të dhënat gjithashtu tregojnë se Apple mund të lëshojë një tjetër iPhone SE në vitin 2022 që vjen me një ekran 6-inç dhe një sensor të gjurmës së gishtit në vend të Face ID.

Përndryshe, hulumtimi që Young ndau në Twitter sugjeron që iPhone 13 Pro dhe iPhone 13 Pro Max do të vijnë të dy me kamera me lente të trefishta dhe Face ID. /Telegrafi/