Emocione dhe lot në lamtumirën e Jurgen Klopp nga Liverpooli

Jurgen Klopp ishte emocional gjatë fjalimit të tij lamtumirës për tifozët e Liverpool në “Anfield” të dielën, ku ai i dha fund qëndrimit nëntëvjeçar me një fitore 2-0 ndaj Wolverhampton.

Fundi i udhëtimit ishte ashtu siç pritej për dikë kaq të nderuar në këtë klub të madh. Si mund të mos kishte lot për një njeri që tregtoi emocionet dhe transformoi Liverpoolin, duke sjellë në fillim shpresën dhe pastaj lavdinë gjatë qëndrimit të tij gati nëntëvjeçar.

Në 10 minutat e fundit të ndeshjes, tifozët shtuan decibelët dhe dashurinë, aq sa Klopp nuk i mbante dot më lotët. Kamerat televizive i janë drejtuar bashkëshortes së tij, Ulla, e cila gjithashtu po qante në tribuna.

Kur Klopp mbërriti në Anfield në tetor 2015 – ai tha se duhet të besoni, dhe pas një kohe, ai arriti të fitojë një titull në Ligën Premier, Ligën e Kampionëve, FA Cup, dy EFL Cup dhe disa të tjerë – por ndikimi i tij në klub nuk mund të matet në vetëm me trofetë e fituar.

“Jam plotësisht i befasuar, mendova se tashmë jam copëtuar, për të qenë i sinqertë, por nuk jam. Jam shumë i lumtur, nuk mund ta besoj”.

“Jam shumë i lumtur për të gjithë ju, për atmosferën, për lojën, për të qenë pjesë e kësaj familjeje, për ne, si e festuam këtë ditë. Është thjesht e pabesueshme. Shumë faleminderit”.

“Nuk duket si një fund, është thjesht si fillimi, sepse sot pashë një ekip futbolli që luante plot me talent, plot të rinj, plot kreativitet, plot dëshirë. Kjo është një pjesë e zhvillimit, kjo është ajo që ju nevojitet, padyshim”.

“Por padyshim që prej disa javësh kam marrë absolutisht shumë vëmendje. Por me këtë kohë kuptova shumë gjëra. Njerëzit më thanë se i ktheva nga dyshues në besimtarë. Kjo nuk është e vërtetë. Të besosh është një veprim aktiv: duhet ta bësh vetë. Thjesht thashë se duhet. Ju e bëtë. Ky është një ndryshim i madh”.

“Dhe askush nuk ju thotë tani të ndaloni së besuari. Sepse ky klub është në një moment më të mirë se kurrë?”.

“Ne kemi këtë stadium të mrekullueshëm, kemi këtë qendër të mrekullueshme stërvitore. Ne ju kemi ju – superfuqinë e futbollit botëror. Uau”.

You’ll Never Walk Alone again, Jürgen ? #DankeJürgen pic.twitter.com/0fuhEnnwDd

— Liverpool FC (@LFC) May 19, 2024

“Unë jam njëri prej jush tani. Të dua aq shumë”, ka thënë Klopp duke përmendur në fund thënien se: “Nuk do të eci më kurrë vetëm””. /Telegrafi/