Kryetari i Bashkësisë Islame të Kosovës, Naim Tërnava ka takuar shefin e kabinetit të ministrit të Financave të Emirateve të Bashkuara Arabe dhe njëherësh edhe anëtar i Fondacionit “Al Maktoum” nga Dubai Dr.Mirza As Saeg, ku u tha se po vazhdon përkrahja e emirateve për Kosovën.
Ternava gjatë një konference për media e falënderoi Saeg për vizitën dhe ndihmën e vazhdueshme që Emiratet e Bashkuara kanë dhënë për shtetin e Kosovës, duke theksuar se këto shtete kanë qëndruar gjithmonë në krah të Kosovës, sidomos me ndihmat e tyre në kohën e luftës në ndërtimin e shkollave e spitaleve.
Myftiu i Kosovës, Tërnava tha se shteti i Emirateve të Bashkuara Arabe është shteti i parë i cili e pranoi njohjen e Kosovës si shtet të pavarur.
“Mirëpo ajo që vlen të theksohet është ngase ky është shteti i parë arab që njohu pavarësinë e Kosovës dhe përkrahi Kosovën gjithherë kur ishte mëse e nevojshme në anëtarësimin me mekanizmat e ndryshëm ndërkombëtar dhe kështu që marrëdhëniet e Kosovës çofshin ato politike apo të natyrave të ndryshme me marrëdhëniet me Emiratet e Bashkuara Arabe janë të thella dhe janë shumë të forta”, tha Ternava.
Shefi i kabinetit të ministrit të Financave të Emirateve të Bashkuara Arabe dhe njëherësh edhe anëtar i Fondacionit “Al Maktoum” nga Dubai, Dr.Mirza As Saeg tha se ndjehet i nderuar që gjendet në Kosovë për të pasqyruar një punë që Emiratet e Bashkuara kanë dhënë për Kosovën.
Saeg tha se Kosova ka treguar gjithmonë një respekt e mikpritje të madhe për EBA-në dhe se kjo i obligon të insistojnë punën në Kosovë.
Sipas tij, marrëdhëniet mes EBA-së dhe Kosovës janë gjithmonë në zhvillim e sipër, d uke thënë se kërkesat e kombeve të bashkuara nga EBA për humanizëm janë tejkaluar dyfish.
“Marrëdhëniet tona mes Emirateve të Bashkuara Arabe dhe Kosovës janë në zhvillim e sipër çdo ditë dhe tregues për ketë janë këmbimet tregtare marrëdhëniet diplomatike, vizitat tona të ndërsjella të ndryshme. Shtetet e Emirateve të Bashkuara Arabe e vlerësojnë shumë luftën për liri dhe arritjen e pavarësi sepse edhe shteti jonë ka qenë në një periudhë duke luftuar për të kërkuar lirinë dhe pavarësinë….mirëpo njëkohësisht nuk i harron shtetet mike, vëllazërore të cilat kanë nevojë, dhe ndjehem i nderuar që të tregoj para jush informacionin se kërkesa e kombeve të bashkuar për humanizëm nga emiratet e bashkuara I kanë tejkaluar dyfish”, deklaroi Saeg
Saeg po qëndron në Kosovë bashkë me Përfaqësuesit e Emirateve të Bashkuara Arabe dhe po vizitojnë disa komuna, ndër to edhe komunën e Skenderajt e cila sipas Saeg është simbol i qëndresës dhe rezistencës. Ai premtoi që investimet e radhës nga EBA do të jenë shumica për këtë komunë.
“Ditën e djeshme kam vërejtur tri projekte të cilat janë të arsyeshme për t’u përkrahur në komunën e Pejës, një vakaf për bashkësinë islame, në komunën e Skenderajt dy projekte. Pas takimeve me udhëheqësit në komunën e Skenderajt u paraqitet edhe kërkesa për në arsim, gjithashtu projekte në Skenderaj dhe Pejë”, tha Saeg.
Saeg gjatë kësaj konference shtoi se në bashkëbisedim me myftiun Tërnava do të ndërmarrin në të ardhmen një projekt për pavarësimin e grave në rrobaqepësi dhe se për të ku është projekt i veçantë sepse u mundëson 50 grave të arrijnë pavarësinë e grave, ndërsa shtoi se do të blejnë produktet që gratë do t’i prodhojnë në Kosovë. /KP/
Lufta Prigozhin - Putin
Më shumëNga Rubrika
Familjarët refuzuan të merrnin trupin për ta varrosur, Prokuroria Elbasan: Personi i vrarë në burgun e Peqinit është Arben Lleshi
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Von Cramon: Nuk ekziston më arsyeja për masat kufizuese të BE-së ndaj Kosovës
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
FSK zgjedh ushtarin më të mirë për vitin 2024
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Tentim-vrasja në Dragash, dhëndri plagos ish-vjehrrin jashtë objektit të gjykatës
Gjenden pa shenja jete dy personaa, njëri në Fushë Kosovë e tjetri në Prishtinë
Plagoset një person në Dragash
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre