Elton John nderohet me titull të ri kalorësiak në Kështjellën Windsor nga Princi Charles

Sir Elton John u pa duke e mbështetur veten me një shkop ecjeje sot (e mërkurë), teksa mori një nderim prestigjioz nga Princi Charles në njohje të karrierës së tij të suksesshme në muzikë dhe fushatave sensibilizuese për AIDS.

Muzikanti u bë anëtar i Urdhrit të Shoqëruesve të Nderit nga Princi i Uellsit gjatë një ceremonie në Kështjellën Windsor, shkruan DailyMail.

Charles, 72 vjeç, u fotografua duke biseduar me Sir Elton ndërsa ai i dorëzonte atij çmimin. Ai eci me shkopin e tij, të cilin këngëtari po e përdor pas një dëmtimi në kofshë për të cilin thotë se e ka lënë ‘të paaftë për të lëvizur anash’.

74-vjeçari, i cili u e nderua me titullin e nderit kalorës për shërbimet ndaj muzikës dhe bamirësisë në vitin 1998, ka shitur më shumë se 300 milionë disqe në mbarë botën gjatë një karriere në muzikën pop që përfshin më shumë se pesë dekada prezencë në skenë.

Hitet ndër vite të tij përfshijnë këngët e famshme: “Rocket Man”, “I’m Still Standing” dhe “Blue Eyes”, e deri te bashkëpunimi i fundit me Dua ALipën, “Cold Heart”.

Muzikanti gjithashtu i ka kushtuar një pjesë të madhe të jetës së tij bamirësisë, duke përfshirë Fondacionin e tij Elton John Aids, dhe ka lobuar për mbledhjen e fondeve për të prekurit me virusin HIV/AIDS – i cili ende merr qindra mijëra jetë në vit – dhe duke inkurajuar njerëzit që të testohen.

Urdhri i Shoqëruesve të Nderit u krijua në vitin 1917 nga George V në njohje të shërbimit me rëndësi kombëtare.

Nganjëherë konsiderohet si nderi më i vogël i Urdhrit të Meritës dhe përbëhet nga sovrani, plus jo më shumë se 65 anëtarë, të cilët mund të përdorin shkronjat CH pas emrave të tyre.

Sir Elton i bashkohet një liste të shquar të të nderuarve që kanë marrë këtë titull, përfshirë Sir David Attenborough aktoren Dame Judi Dench, Sir Paul McCartney dhe kuzhinieren Delia Smith.

Sir Elton u dha fansave një përditësim në fillim të këtij muaji përpara operacionit në ijë – duke zbuluar se ai ‘nuk mund të lëvizë anash’.

Legjenda e muzikës shpjegoi se ai ka dhimbje të vazhdueshme dhe nuk kishte gjasa që ijet e tij t’i qëndronin gjatë gjithë turneut, për këtë arsye u vendos që të operohej përpara se të niste turneu ne koncerteve.

I pyetur për shëndetin e tij nga Lorraine, pasi vendosi të shtyjë turneun e tij, Elton tha: “Nuk do të isha 100 për qind në formë. Unë nuk do të isha 100 për qind i sigurt, sepse kam dhimbje në pjesën më të madhe të kofshës”.

“Nuk mund të lëviz anash. Unë nuk mund të hyj dhe të dal nga një veturë. Dhe vendimi duhej marrë, sepse nuk do të doja të dilja në skenë dhe të jepja më pak se 100 për qind”.

“Dhe nuk e di – me një vit e gjysmë turne përpara – sa kohë do të zgjaste ija ime. Ndoshta nuk do të ishte. Pra, më mirë ta kryeja atë tani”, tha këngëtari i famshëm britanik.

“Fatkeqësisht do t’i zhgënjej të gjithë njerëzit këtë vit, por do t’i zgjidhem dhe do të jem në formë shumë më të mirë”, shtoi ai.

Elton gjithashtu i tha Lorraine-s për dy djemtë e tij – Zachary, 10 vjeç dhe Elijah, tetë, të cilët i ndan me bashkëshortin David Furnish, 59-vjeç: “Ata e duan muzikën”.

“Unë u kam blerë atyre të gjitha CD-të e Beatles, The Who, Bowie dhe gjithçka. Të gjithë artistët e mëdhenj britanikë. Ata duan të gjitha llojet e muzikës. Ata janë shumë krenarë që kam një hit me Dua Lipën”, tha këngëtari.

Elton më parë zbuloi se kishte ‘dhimbje të konsiderueshme’ pasi lëndoi ijën e tij dhe ishte këshilluar që të bënte një operacion ‘sa më shpejt të jetë e mundur’.

Në shtator, ai detajoi ‘trishtimin e tij të madh’ për shtyrjen e turneut përpara se të shpjegonte: ‘Rashë në mënyrë të sikletshme në një sipërfaqe të fortë dhe që atëherë kam pasur dhimbje dhe parehati të konsiderueshme në ijë’.

Ai shkroi: “Me trishtim të madh dhe një zemër të rëndë jam i detyruar të riplanifikoj datat e turneut tim ‘Farewell Yellow Brick Road’ në Evropë dhe Mbretërinë e Bashkuar deri në vitin 2023”, me turneun që pritet të rifillojë në New Orleans në janar të vitit 2022. /Telegrafi/