Elhaida Dani emërohet drejtore artistike e Festivalit të 63-të në RTSh

Ajo është njëra nga artistet shqiptare që shquhet për karrierën e bujshme profesionale, duke qenë pjesëmarrëse kështu në kompeticione të ndryshme.

Fjala është për Elhaida Danin, zëri i së cilës ka qenë gjithmonë i pëlqyer për çdo spektakël.

Këngëtarja sivjet po rikthehet në skenën e festivalit të RTSh, por jo si konkurrente.

E njëjta do të jetë drejtoresha artistike e Festivalit 63 të Këngës në Radiotelevizionin Shqiptar, një bashkëpunim që pritet të zgjasë më shumë se një vit.

Lexo po ashtu Të gjitha lajmet nga Elhaida Dani

“Ardhja e Elhaidës është një lajm i gëzuar për mua, stafin dhe mbarë opionionin publik, sepse do të jetë një vlerë e shtuar për festivalin, duke pasur parasysh karrirën e saj të jashtëzakonshme duke nisur që nga fitoret e saj në shumë kompeticione muzikore. Me të do të punojë edhe Bojken Lako, që ishte drejtor i Festivalit të 62-së, i cili ka bërë një nga festivalet më mira që që ka bërë RTSH”, tha Alfred Peza.

Artistja gjithashtu u shpreh entuziaste për detyrën e saj të re.

“Është një kënaqësi dhe përgjegjësi e madhe. Kam lindur dhe jam rritur në Fetstivalin e RTSH-së, dhe falë këti festivali kam shkelur edhe në skenën e Eurovizonit. E di se çfarë do të thotë për artistët shqiptar ky Festival. E di rëndësinë. Do të japë më të mirën time në këtë Festival, por edhe në ato të ardhshmet. Është mundësi e artë për ti treguar edhe Shqipërisë vlerat më të mira. Po synojmë të zgjedhim një skuadër sa më profesioniste, sa më serioze, për të bërë një punë shumë të madhe për këtë Festival dhe ato të ardhshme”, theksoi Dani. /Telegrafi/