Edhe Noizy i del në ndihmë të prekurve nga tërmetet, publikon video duke iu dhuruar ushqim

Tragjedia e ditës së djeshme shkaktuar nga dy tërmete të mëdha në Shqipëri, kanë shokuar të gjithë popullin shqiptar.

Numri i viktimave tashmë ka shkuar në 24, ndërsa raportohen me qindra njerëz të lënduar, kryesisht në zonën e Thumanit dhe Durrësit.

Mes shumë personaliteteve që ofruan strehim dhe dhuruan ndihmë për të prekurit nga tërmetet ishte edhe reperi i njohur Noizy.

https://www.instagram.com/p/B5WWS4VpXlG/

Ai ka ndarë me ndjekësit disa postime, i cili shfaqet duke përgatitur ushqim për një numër të njerëzve atje.

Lexo po ashtu Rudina Magjistari nuk i mban lotët teksa sheh pamjet katastrofale nga tërmeti, ndërpret emisionin e emocionuar

“Edhe pse patem fatkeqësi zemrat nuk i prishëm, madje mësuam se sa shumë e duam njëri-tjetrin. Nuk kam fjalë për gjestin e shqiptarëve të Kosovës dhe të Maqedonisë, mund të kem parë vet me sytë e mi mbi 50 kamiona me ndihma për vëllëzërit dhe motrat e tyre që kishin nevojë, si me ushqim por edhe me jorgane e batanije. BRAVO. Kam qarë shumë, jo nga frika por nga gëzimi dhe jam i mbushur plot me energji”.

“Do ju lutesha organizatave dhe njerëzve që kontribuojnë, të ketë kontroll mbi gjithçka sepse nuk duhet abuzuar mirësinë, ju që kontribuoni duhet të siguroheni që atë që ju na ofroni të shkojë në vendin e duhur. Edhe një herë në emër të të gjithë shqiptarëve ju falenderoj nga zemra. Zoti qoftë me të gjithë ju dhe familjet e juaja. Uroj që këto lloj fatkeqësish mos të ndodhin më kurrë. Zinjo”, ka shkruar ndër të tjerash Noizy.

https://www.instagram.com/p/B5W_JAXJCHj/

Për shkak të vështirësive të natës operacionet e kërkim-shpëtimit janë ndërprerë ndërkohë që pritet të fillojnë brenda pak minutave. /Telegrafi/