Eden Hazard mendohet të rifitojë formën ‘magjike’, pasi refuzoi largimin nga Real Madridi

Është e drejtë të thuhet se koha e Eden Hazard me Real Madridin nuk ka shkuar sipas planit, por “magjistari i vogël” mund të jetë gati të nisë një tjetër magji të artë sipas një njeriu që e njeh mirë.

Belgu 32 vjeçar u largua nga Chelsea për në Bernabeu gjatë verës së vitit 2019 pas shtatë vitesh vezulluese me Blutë. Megjithatë, ai ka shënuar vetëm shtatë gola që nga ai transferim dhe është kufizuar në vetëm nëntë paraqitje nën trajnerin Carlo Ancelotti këtë sezon.

Berberi i tij afatgjatë Ahmed AlsanawI, i cili njihet më mirë si A-Star, beson se Hazard ka ende shumë për të ofruar.

Lexo po ashtu Reagimi prekës i Eden Hazardit kur iu tha të bëhej gati të inkuadrohej në fushë në fitoren e thellë ndaj Valladolidit

Ahmed është njeriu që përkujdeset për stilin e flokëve të Jack Grealish, Phil Foden dhe Reece James. Ai filloi t’i presë flokët Hazardit gjatë kohës së tij te Chelsea dhe të dy kanë mbetur të afërt që atëherë.

Kur u pyet për Hazard nga Mirror Football, Ahmed u përgjigj: “Nëse pyet ndonjë futbollist profesionist, kur ai nuk është në fushë, është jo koha e tyre e lumtur”.

“Ai thjesht pati një fat të keq, por unë mendoj se ai ende mund ta bëjë këtë. Ai është një lojtar i veçantë, ai thjesht ka nevojë për kohë për të luajtur – që shpresojmë se do ta ketë. Ai ka qenë mjaft i durueshëm, kështu që nuk e kuptoj pse nuk luan. Mezi pres ta shohësh atë magjistarin e vogël në fushë. Më mungon!”.

Hazard ka ende 14 muaj të mbetur në kontratën e tij me Realin, por ka pranuar se do të “pranojë” vendimin e klubit nëse ata i kërkojnë të largohet. Besohet se familja e lojtarit është e lumtur në kryeqytetin spanjoll, dhe djali i tij Leo madje i është bashkuar akademisë së të rinjve të Realit. /Telegrafi/