“E pamundur ta bëjë dikush tjetër”, Mourinho zbulon arritjen më të madhe në karrierën e tij si trajner

Jose Mourinho ka zbuluar në një intervistë se cila ishte arritja e tij më e madhe në karrierën e tij të pasur si trajner.

Tekniku portugez tha se arritja e tij më e madhe në karrierën e tij të deritanishme si trajner mbetet fakti që ka arritur në dy finale evropiane me ekipin e Romës.

“Arritja ime më e madhe deri më tani? Dy finale evropiane me Romën. E pamundur ta bësh, unë nuk mendoj se dikush tjetër do ta bëjë përsëri”, ka thënë Mourinho.

Intervistuesi mbeti i habitur nga përgjigja që dha Mourinho dhe e pyeti atë pse nuk e zgjodhi triumfin në Ligën e Kampionëve me Interin si arritjen e tij më të madhe.

Lexo po ashtu Mourinho mund të bëjë një rikthim sensacional në Ligën Premier

“Ishte më e lehtë. Lojtarë më të mirë, një klub tjetër me ambicie të tjera, më e vështirë ishte tek Roma”, ishte përgjigja e Mourinhos.

‘The Special One’ ka fituar trofe me Real Madridin, Chelsean, Interin dhe Porton gjatë karrierës së tij të bujshme.

Ai gjithashtu mbetet trajneri i vetëm që ka fituar Ligën e Kampionëve, Ligën e Evropës dhe Ligën e Konferencës.

Më herët, Mourinho kishte befasuar tifozët duke e quajtur përfundimin në pozitën e dytë në tabelë me Manchester Unitedin në sezonin 2017/18 si dukshëm arritjen më të madhe si trajner./Telegrafi/