E konfirmojnë mediat gjermane, tragjedia ndodhi në një familje shqiptare – një burrë dhe dy fëmijë u gjetën të vdekur, një grua e plagosur rëndë

Kur pati një zhurmë në shtëpinë e bardhë në orën 22:53, fqinjët menjëherë thirrën policinë.

Dhe arsyeja ishte se në familjen shqiptare ka pasur shpesh debate – edhe pse dukej se ishte një martesë e lumtur.

Aty arritën gjashtë makina të policisë.

Brenda në shtëpi, oficerët bëjnë një zbulim të tmerrshëm: Gjejnë dy fëmijë të vdekur (13/11) – të ekzekutuar me të shtëna në kokë, shkruajnë mediat gjermane, përcjell Telegrafi.

Lexo po ashtu Detaje të reja pas vrasjes së trefishtë në një familje shqiptare në Gjermani, fëmijët kishin telefonuar policinë në mars të vitit 2020

Pak metra më tutje ndodhet Flamur R. (44), babai i djemve – i vrarë.

Arma e dyshuar e vrasjes shumë afër.

Një mjek i urgjencës përpiqet ta rikthejë në jetë atë, por kot.

Gruaja dhe nëna Advije R. (38) është plagosur rëndë dhe gjendet në spital – edhe ajo është qëlluar me armë zjarri.

Kryeprokurori Christian Braunwarth thotë: “Gjetjet aktuale tregojnë se çfarë ka ndodhur brenda familjes”.

Lexo po ashtu Një burrë dhe dy fëmijë gjenden të vdekur, një grua e plagosur rëndë – detaje të ngjarjes tragjike në një qytet afër Hamburgut në Gjermani

Sipas informacioneve të BILD, pritet të vërtetohet në nëse babai ka qëlluar me armë të tjerët dhe më pas edhe veten.

Ndryshe, mediat kishin raportuar se policia gjermane ka gjetur trupat e një burri dhe dy fëmijëve, 11 dhe 13 vjeç, në një shtëpi në një qytet afër Hamburgut. /Telegrafi/