E hodhi fanellën në tokë, Materazzi zbulon rrahjen që i bëri Balotellit dhe disa të pathëna tjera

Legjenda e Interit, Marco Materazzi e ka zbuluar tashmë sulmin e tij famëkeq ndaj ish-bashkëlojtarit të skuadrës, Mario Balotelli.

Balotelli kishte hedhur bluzën e tij të Interit në tokë dhe ishte nisur në zhveshtore pas gjysmëfinales së Ligës së Kampionëve më 2010 kundër Barcelonës.

Kjo nuk i pëlqeu aspak Materazzit, i cili e ndoqi sulmuesin e tanishëm të Brescias dhe thotë se e rrahu në zhveshtore.

Lexo po ashtu Ibrahimovic zbulon një histori interesante: Prita katër vjet për t'u hakmarrë, por arrita ta dërgojë Materazzin në spital

“Unë i dhashë një rrahje të mirë, është e vërtetë. E dua Marion, por ai me të vërtetë e meritoi atë ditë”, ka thënë fillimisht Materazzi.

“Ne jemi bërë përsëri miq, praktikisht vëllezër, por ai bëri diçka atë ditë që ai me të vërtetë nuk duhet të kishte bërë”.

“Hedhja e fanellës së tij në tokë pas bilbilit përfundimtar nuk ishte as më e keqja për të. Para ndeshjes, në autobusin e skuadrës, ai na tha: ‘Sot do të luaj keq’, kështu që i premtova se do ta bëja të paguante nëse e bën”.

“Kur doli nga bankina, ai provoi një goditje nga mesfusha në vend që të kundërsulmonte. Diego Milito dëshironte ta vriste”.

Lexo po ashtu Materazzi i përgjigjet me ironi Ibrahimovicit: Faleminderit, pa ty nuk do ta fitonim Ligën e Kampionëve

“Ne besuam në Marion, ai shënoi shumë gola dhe kontribuoi në fitore, por një javë pas kësaj, unë i kërkova Mourinhos të më vendos kundër Balotellit në ndeshjet mes vete. Pas disa sekondash, do ta dërgoja përsëri në zhveshtore”.

“Unë me të vërtetë e doja shumë babanë e tij, pasi pas një loje me Rubin Kazan ai i tha Marios: ‘Nuk më pëlqeu performanca juaj, ju duhet të luani më shumë për shokët tuaj të skuadrës. Dhe ndaloni të shkoni me vajza!’ Çfarë idhulli”, përfundoi legjenda e Interit. /Telegrafi/