E dhimbshme: Conor McGregor përmes një njoftimi pikëllues tregon se ka humbur tezen e tij për shkak të coronavirusit

Conor McGregor njoftoi fansat se tezja e tij është ndarë nga jeta për shkak të coronavirusit, teksa i bëri një dedikim emocionues asaj në rrjetin social Instagram.

Ylli irlandez i UFC-së mori lajmin në lidhje me tezen e tij, Anne Moore, përmes një telefonate pak para se të shkonte në një nga ekranet televizive të Dublinit, për të promovuar pijën e re nga marka e tij e pijeve alkoolike, “Proper No 12”, shkruan DailyMail.

Në postimin që njoftonte se tezja e tij kishte ndërruar jetë, McGregor shkroi: “Ky virus i dreqit. Çfarë dreqin po ndodh?”.

Vendi amtar i boksierit, Irlanda, mbylli të gjitha shkollat, kolegjet dhe çerdhet të enjten deri më 29 mars, pas më shumë se 500 personave të infektuar me coronavirus.

Nuk është e qartë se si vdiq zonja Moore.

McGregor, 31 vjeç, tha që ai nuk ishte më në gjendje të shkonte në televizion dhe e çoi familjen e tij në ishullin Bull.

Ai postoi një përzgjedhje fotografish në llogarinë e tij zyrtare në Instagram, duke shkruar në mbishkrimin e tyre: “Unë e solla familjen time me vete në studio”.

Lexo po ashtu Episodi i "The Simpsons" në vitin 1993 që parashikoi coronavirusin - nga izolimi i Tom Hanks e deri te blerja e rezervave për shkak të panikut

“Duke qëndruar i ulur në karrige për të marrë rreze, drejtpërdrejt në të gjitha emisionet e bisedave të mëngjesit në ShBA, më merr dikush në telefon duke më thënë që tezja ime e bukur, Anne kishte ndërruar jetë”.

https://www.instagram.com/p/B9sUSN1pMs0/

“Unë nuk mund të jetoja më atje. Tezja ime e dobët shumë e dashur. Motra e nënës time. Ky virus i dreqit, çfarë dreqin po ndodh”, shkroi ai.

“Qëndroni njerëz afër! Pusho në paqe Anne Moore, të dua”, përfundoi shkrimin ylli i UFC-së.

Motra e Kampionit Botëror të Cage Warriors, Erin, gjithashtu i bëri homazh tezes së saj, duke shkruar në rrjetet sociale: “Duke parë të gjitha fotografitë, po mendoj se jam shumë e lumtur që ti bëre kaq shumë fotografi me ne të gjithë së bashku”.

“Ti për mua je një nga gratë më të forta që njoh. Më mësove se për çfarë besnikërie dhe dashurie dhe forcë ka të bëjë një familje”, shkroi ndër të tjerash ajo.

https://www.instagram.com/p/B9kMgbwnrzb/

Më parë në postimin e tij, McGregor shkroi për kontrollimin e pandemisë së coronavirusit nga Irlanda.

Ai tha: “Irlanda ju vend i mahnitshëm. Unë besoj se e kemi këtë virus të përmbajtur. Dhe përmes kësaj kontrolli, ne në të vërtetë mund t’ia dalim”.

“Zakonet e mira që do të kemi fituar tani nga ky sulm i egër Covid-19 do të na shohin shumë të fortë në të ardhmen. Higjiena e duarve. Prekja e higjenës së fytyrës tonë. Pastrimi i vazhdueshëm i higjienës së zonave të trajtuara”.

“Është ajo çfarë duhet të bëjmë me të vërtetë gjithsesi. Unë kam qenë gjithmonë mirë me higjenën e duarve. Por jo sa duhet. Nëse mendoj për të gjithë njerëzit që afrohen të më shtrëngojnë duart dhe çka nëse jo”, shtoi McGregor.

“Unë shpesh iu them njerëzve që duan të fotografohen: ‘të lutem nuk dua një foto, thjesht më lër të të shtrëngoj dorën’. Dhe më pëlqen, po mik faleminderit. Meqenëse është më efikase sesa fotografimi i plotë. Por është shumë e pakujdesshme. Dhe shumë e shpeshtë”, shtoi McGregor.

“Po prekja dorën edhe fytyrën time. Jo shumë i vetëdijshëm për frekuencën që do bëja. Deri tani unë do ta stërvit këtë gjest duke e bërë më pak, deri në imunitet të ulët. Është e pashmangshme me intensitetin e trajnimit”.

Kryeministri Leo Varadkar bëri njoftimin dramatik se të gjitha shkollat, kolegjet dhe çerdhet do të mbyllen në një fjalim të dhënë para Blair House në Washington DC këtë javë.

Ai shtoi se nën masat emergjente, mësimet do të përfundojnë në internet dhe muzetë, galeritë dhe destinacionet e tjera turistike gjithashtu do të mbyllen si rezultat i aksionit.

Mbretëria e Bashkuar ende nuk ka njoftuar masa të ngjashme megjithë shkallën e infeksionit e ka në rritje, me 800 të infektuar dhe me 11 vdekje në total.

Në një përshkallëzim të madh të krizës, ministrat po përgatiten të futin legjislacionin e urgjencës në fillim të javës tjetër, për të lejuar që të gjitha tubimet masive dhe ngjarjet sportive të ndalohen nga fundjava tjetër. /Telegrafi/