E dëshiron Chelsea në janar, përgjigje direkte nga sulmuesi Viktor Gyokeres

Sulmuesi i Sporting Lisbonës, Viktor Gyokeres po qëndron i qetë mes interesimit nga Chelsea.

Blutë thuhet se janë të interesuar për suedezin, i cili vetëm verën e kaluar u largua nga Coventry City për Sporting.

Por, Gyokeres këmbëngul se është i lumtur në Lisbonë dhe nuk kërkon një largim të hershëm.

Lexo po ashtu Chelsea kompleton transferimin e parë për janar, por tifozët do të duhet të presin shtatë muaj për ta parë atë të luajë

Ai tha për Sportbladet: “Unë kënaqem jashtëzakonisht këtu dhe dua të qëndroj dhe të fitoj ligën. Ky është qëllimi. Kam qenë këtu për gati gjashtë muaj, kështu që është shumë herët. Është shumë herët për të menduar për ndonjë gjë tjetër”.

“Ne jemi në mes të sezonit, kemi përparuar në play-off në Ligën e Evropës dhe jemi duke udhëhequr ligën. Kështu që nuk fokusohem në asgjë tjetër. Tani për tani gjithçka ndihet shumë emocionuese me Sportingun dhe nuk kam asnjë mendim të largimit”.

Lexo po ashtu Publikohen emrat: Pesë largime në janar nga Chelsea, në mesin e tyre edhe Armando Broja

“Unë luaj këtu tani, kënaqem dhe bëj më të mirën time çdo ndeshje. Nuk mund të bëj asgjë më shumë. Më pëlqen të luaj këtu”.

“Së pari, mendoj se u futa në grup shumë lehtë. U kënaqa që nga dita e parë si në fushë ashtu edhe jashtë saj. Unë arrita këtu në fillim të para-sezonit, gjë që ishte e rëndësishme. Më pas filloi shumë mirë. Fakti që lojtarët dhe klubi kanë qenë shumë mikpritës ka qenë i rëndësishëm”, shtoi më tej Gyokeres. /Telegrafi/

https://www.youtube.com/watch?v=MY32jt3Mn8g&pp=ygUPVmlrdG9yIEd5b2tlcmVz